اقتباس:
المشاركة الأصلية كتبت بواسطة Osama93
أها .. عاوز تدخل مجال الجرافيكس
ماشي .. بس مفيش حاجة اسمها تبني
أنت لازم تشق طريقك بنفسك
أول حاجة لازم تعملها .. تعرف إيه أكتر شغل عجبك في الجرافيكس
يعني مثلاً بتحب التصاميم الثابتة اللي في التواقيع وبنرات المواقع أكتر .. ولا تواقيع الفلاش المتحركة والحركة السريعة؟!
ولا بتحب شغل التلفزيون الإعلانات ؟!
مفروض تحدد ده الأول بعدها تعرف البرنامج اللي بيتعمل بيه كل حاجة من دول إيه وتبتدأ تشتغل فيه وتتعلمه .. وما أكثر الدروس على النت عربي وإنجليزي
عندك التصاميم الثابتة في أكتر من برنامج بيعملها مثلاً .. الفوتوشوب .. كورل درو .. وحاجات تانية بس ده اللي انا فاكره .. وطبعاً كل برنامج ليه مميزاته وعيوبه وتختار المناسب ليك أكتر
وعندك تصاميم الفلاش المتحركة بتتعمل أساساً ببرنامج الفلاش .. بس طلعت برامج بتشتغل بنفس التقنية بس برامج مختلفة زي السويش ماكس .. والسوثينك جلاندا وغيره .. في كتير جداً
وبالنسبة للإعلانات في التلفزيون وتأثيرات الأفلام والكلام ده .. بيتعمل ببرامج ملتميديا .. زي Adobe After Effects .. و تزبيط الفيديو وعمل المونتاج واللمسة الأخيرة ببرنامج البريميير Adobe Premere
فشوف .. كل واحد له مميزات وعيوب .. وفيه حاجات فيها شغل أكتر من التانية .. وفي حاجت بتطلع شغل شكله حلو وأكبر من التانية وكده
أنا عن نفسي شغال فلاش من زمان أوي .. وبحبه
بس أنا كنت بشوف شغل إعلانات التلفزيون بتهبل .. لغاية لما عرفت أنها بالبرامج دي .. فناوي أتعلمها بإذن الله
مشكلتها الكبرى أنها عايزة جهاز صااااااااااااااااااااارووووووووووووووووووخ
وأتمنى أني أكون قد أفدتك .. ومطولتش عليك برده
وشكراً
|
روعة يا مان انا يشرفني اتعرف بواحد زيك لاني مش بروفيشينال اوي بس مش عيب اني اتعلم
بس انا عندي تعليق في الاخر انت قلت ان الحاجات دي محتاجة جهاز صاروخ
فعلا بس في طرق توفر عليك مثلا ممكن تثبت البرامج دي على الدي
او اي بارتيشن غير الي الويندوز متستب عليه
انا مثلا عندي جهاز بنتيوم 3 رام 512 بروسيسور 1000
زي مانتا شايف مش الامكانيات العالية بسايه صاروخ
يوم ما اتخبط في نافوخيو استب حاجة على السي تبقى وقعتي سودة
اقعد افرمت و انزل وندوز يعني من الاخر ماتنزلش حاجة على السي غير الويندوز و بس
و ياريت يا اسامة و عاشق القلم و ميدو تقبلوني كصديق ليكم
و شكرا و السلام ختام