[سيلفانو]

ايام وعدت فاتت
وحاجات جوايا ماتت
ومن ساعتها انا ساكت
ولا حد عارف مالى

منا متعودتش احكى
ولا مرة فكرت اشكى
ولا حد شافنى ببكى
لا غريب ولا حتى غالى

لكن خلاص فاض بيا
والحمل زياده عليا
نار جوايا وفيا
بتــقتـل فيا أمالى

ولازم احكى واقول
انى عايش مقتول
جوايا نار مغلول
ولازم يخرج كلامى


هم الناس انا شايل
وعالدنيا كمان بتحايل
تدينى الفرحه فيوم

لا عمرى جنيت على حد
ليه بلاقى الشوك فالورد
وعايش فقصر هموم

ليه حلمى يموت قدامى
ومش عارف اداوى ألامى
ليه سمايا ماليها غيوم

لا صاحب جمبى ساندنى
وديما قدرى معاندنى
وديما عايش محروم

لا حبيب يوفى ويصون
لازم يخدع ويخون
ويمثل دور مظلوم

ولا حد صافى النيه
كله بينهش فيا
وعايش بينهم مصدوم


معملتش غير الخير
ليه ابقا فحزنى اسير
ده شيىء مش مفهوم

لما لغيرى اساعد
ومعاه عالخير بتواعد
واداويه من اى هموم

وهو يفكر فالغدر
ويملالى كاسات المر
وأصرخ بصوت مكتوم

من حرقه روحى وقلبى
لما اوهب لحد حبى
وحبه يكون مسموم