[To Be Is To Do]

المشاركة الأصلية كتبت بواسطة khaled_bibo

السلام عليكم و رحمه الله

مبدئيا انا اسمي خالد و مش بشارك كتير عشان الدراسه و كده بس اللي حصل اني لاقيت اني هاموت لو


ملكلمتش مع حد انا في تالته ثانوي علمي رياضه مشكلتي الوحيد هي الفيزيا يعني ابواب اكون مخلصها و


ضمنها في جيبي اجي في المراجعات و لا عارف احل اي حاجة مش عارف عيب مني و لاعيب من المدرس


لانه في ملزمه المراجعه بدأ بالمسائل الصعبه طب هات اول 4 5 مسائل سهلين عشان افتكر الدنيا كانت


ايه بقالي فعلا اكتر من 3 حصص بروح الدرس بالعافيه و لا طايق المدرس و لا طايق الماده نفسها


بجد فعلا حاسس اني حلمي بيروح مني و انا واقف اتفرج مش عارف اعمل حاجة


دلوقتي انا قدام حلين


1- اغير المدرس و ده انا مش محبذه
2- اقعد في البيت و اراجع مع نفسي

بص يا ( بشمهندس خالد ) إن شاء الله يعنى

الوقت اللى حتقعده فى البيت وتسيب فيه الدرس مش حتنجز فيه بنفس القدر اللى المدرس حيدهولك
انت فى البيت فيه مليون سبب يخليك تتشتت وتقوم من على المزاكره انما فى الدرس انت قاعد محاصر + ان المستر اكيد فى المراجعه بيديك مسائل من الدليل او كتاب المدرسه او سؤال امتحان سابق فيه فكره او مجمع اسئله من كتب قويبه او او او او + ان المستر فى المراجعات بيحاول يلم الموضوع سريعا وبعدين يحل معاكوا ... ميزه المراجعه ان المدرسين بتبدأ تقول فنيات أسئله حاجات مبتتحفظش بتتفهم بس انت اكيد محتاج الحاجات دى .. ممكن يبديك ملحوظه لحل مسأله او يقارن بين مسأله ومسأله لما يديك كذا حلها كده ولما يغير كذا يبقى تستخدم القانون كذا .......... وهكذا من فنيات المدرسين بتقولها ف ايام المراجعات

حته انك مخنوق تروح فمعلش اكيد هو مش قصده يعقدك بس بيحاول يعودك على الصعب واكيد انت بتاخد معاه السهل طول السنه فبيعودك على ده وده

نصيحه من اخوك مخلص ثانوى : اوعى تسيب مراجعه المدرسين وخصوصا الفيزيا ببساطه مش حتزاكر الكم اللى حتخده معاه ومش حتحل بنفس الكم اللى بتحله معاه ووحتلاقى ف البيت حاجات كتير حتعطلك وتضيعلك وقتك

هو مجرد رأى شخصى من واحد مجرب ..... ربنا معاك