[عبده الأسواني]

جرجس جورج
عضو خبير
استاذ جرجس انا بشكرك علي ذووقك الرفيع
اولا : حضرتك لست معلم مساعد بدليل انه غير مكتوب معلم مساعد.
ثانيا : حضرتك بالمكافأه يعني لسه قدامك مرحله معلم مساعد.
ثالثا: انا مش عارف العقد ده اتعمل لحضرتك ازاي انا اول مرة اشوف عقد كدا ده عقد مجحف ليك اوووي هو كل اللي عندك نفس العقد كدا.، ده عقد كله مشاكل(تقاضى الطرف الثانى بموجب هذا التعاقد مكافأه شهريه عن الخدمات المؤداه تعادل المكافأت الممنوحه كمرتب لنظيره المعين على درجه دائمه استنادا لما ورد بأحكام القانون 47 لسنه 78 و تعديلاته. اذا اخل الطرف الثانى بالتزاماته الناشئه عن هذا العقد يكون الطرف الاول الحق فى اتخاذ اى من الاجراءات الاتيه:
1-الانذار بفسخ العقد
2-توقيع جزاء الخصم من المكافأه الشهريه عما يوازى قيمة ثلاثة ايام فى المره الواحده و بما لا يجاوز ثلاثين يوما خلال مدة العقد
......تجدد تلقائيا كما رأت الجهه الاداريه انها فى حاجه الى استمرارية العقد و للطرف الاول الحق فى انهاء هذا العقد فى التاريخ الذى يراه وفقا للصالح العام بشرط اخطار الطرف الثانى قبل الموعد المحدد بشهر كامل و ليس للطرف الثانى الاعتراض على ذلك او طلب التعويض عن ذلك و استنادا الى ان هذا مؤقت ينتهى بانتهاء سبب التعاقد)
بصراحه حضرتك مظلوم اوووي.
انا بقي ححكيلك حكايتين قولي بقي ايه رأيك:
اولا : انا كنت حصه بتاريخ 26/11/2011 ثم تظاهرنا واغلقنا الادارة تم التعاقد معانا بتاريخ 1/4/2012
مكتوب في خانه الوظيفه في العقد: معلم مساعد
وليس به كل القرارات المحجفه اللي عندك هوا فيه منها بس مش كل المزكور عندك.
الراتب بقي 634 جنيه.
التانيه بقي : التقيت بمدرسين في محافظة الاقصر وسألتهم هل اشتغلتم حصه قالو لا بل تم التعاقد معانا مباشرة علي وظيفه معلم مساعد انا استغربت انه بدون حصه تم التعاقد معاهم بس والله فرحتلهم قولت اهو حال البلد بيتعدل شوية شوية ، سألتهم تاريخ التعاقد كام قالولي 1/1/2013 ، سألتهم عن المرتب قالولي 645 جنيه يعني مرتبهم اعلي من مرتبنا اللي احنا نسبقهم بعامين 6 شهور حصه وعام وشوية معلم مساعد.
ايه رأيك بقي في مصر احنا في دولة اللامنطق ووزارة اللامعقول
وحضرتك يا استاذ جرجس لازم انت وزمايلك تشوفولكم حل علشان تتحولو لمعلم مساعد والا ممكن تقعدوا كدا كتير لانه المعلم المساعد بعد 3 سنوات بيتثبت اما انتوا ممكن موضوعكم يطول شوية المكأفأه .