[معلمه من المنقطعين]

المشاركة الأصلية كتبت بواسطة م / دعاء

اختى الحبيبه معلمه من المنقطعين
انا متشكره ليكى جدا على اهتمامك . هل هذه الاوراق هى المطلوبه بالكامل لعمل اجازة مرافقة الزوج حتى من المعينين لانى تعيينى خلاص ان شاء الله فى خلال شهر لانى ينطبق على قرار وزارى 137 اللى صدر
انتى تنصحينى بايه ابدا فورا واذهب لاستاذ نسيم فى الاجازات اساله عن الاوراق بالظبط ولا استنى بعد التعيين وابدأ ادور . سؤال تانى معلش الفاكس بتاع المحافظ خاص بقرار عام يمنح هذه الاجازه للكل ولا ده كان فاكس فردى وبيقول ايه بالظبط لان انتى عارفه فى ادارة كفرالشيخ مفيش حد بيريح فى الكلام ولازم ابقى عارفه كويس عشان لما اطالب بحقى مينكرش وجود الفاكس ده لانى السنه اللى فاتت اتبهدلت وقعدت اشحت منهم اى معلومه وفى الاخر عملت اجازه شهر اعتيادى سافرت فيها ورجعت منهم لله كان زمانى اخدتها

اختى الحبيبه دعاء الفاكس ده صدر من المحافظ بتاريخ 26-2 -2013 ووصل ادارة دسوق 27-3 ومكتوب فيه ان اجازة مرافقة الزوج وجوبيه بحق القانون سواء المتعاقدين اوالمثبتين وهو فاكس عام للكل ومعلش انا اسفه الورق كله فى مصر مش معايا ومعرفش بعد التعيين لازم تستنى ولاممكن على طول اللى يفيدك ا ستاذ نسيم بالنسبه لورقك ده يتوقف على حاجتين قلتى انك سافرتى شهر ورجعتى انتىبقى معاكى خروج وعوده ونهايتها امتى ولا زوجك هيعملك استقدام من اول و جديد الحاجه التانيه الاجازات اللى فى الاداره اللى انتى تبعها هيطلبو اصل عقدالزوج اللى بيشتغل بيه فى الخارج وهاقولك على نصيحتى دلوقتى الامتحانات بدات على مااعتقد اسالى كويس واول لما تخلص تتسلى فى تحضير الورق لانه بياخد وقت ومعلش اذا تاخرت عليكى فىالرد ولو اى اسئله تانيه انا تحت امرك ومبروووووووووووووووووووووووووووووك على التعيين وربنا ييسرلك امورك ويصلحلك حالك