ماشى فملكوت الله
مستنى رزق سماه
مكتومه فقلبه الآآه
لا طلب لا مال ولا جاه
ساعى ومعاه ربه
ساترله طريقه ودربه
وكل الناس بتحبه
وديما واقفه معاه
لا عمرة فيوم كان شاكى
ولا عالدنيا باكى
ولا للناس بيحاكى
عن اى هموم جواه
ولما المر يدوق
يرفع ايده لفوق
وبأبسط الحقوق
يدعى بيها لله
لقمه وصجه وستر
ويبعد عنه الشر
ومرار وذل القهر
وراحه بال جواه
ولا يبقا فيوم حواج
ولا للانسان يحتاج
ومهما عاز واحتاج
طلبه بس من الله
ومهما كان مش قادر
ومع الدنيا بيعافر
ديما بردو شاكر
للى خلقه وسواه
مهو عارف انه ضيف
فالدنيا زى الطيف
فبيعيشها عفيف وشريف
وامله ينول بس رضاه
ماشى فملكوت الله
مستنى رزق سماه
مكتومه فقلبه الآآه
لا طلب لا مال ولا جاه