اقتباس:
المشاركة الأصلية كتبت بواسطة ahmed mohmoed ahmed
حصريا .. شاهد حلقات برنامج أزاى تجيب مجموع فى الثانوية العامة 2013م هنا
السلام عليكم ورحمة الله وبركاته ..
طبعا انتم عرفنى كويس : أنا أحمد محمود أحمد محمود
أنا دلوقتى عملت برنامج بعنوان أزاى تجيب مجموع .. وهذا البرنامج عبارة عن :
كل مشاركة هكتب عن مادة مثلا اللغة العربية وغيرها من المواد ...
سوف امسك كل مادة من مواد الثانوية العامة واشرح بالتفصيل ازاى تجيب الدرجة النهائية فيها بدون تعب مثلا الفيزياء أزاى تجيب الخمسين من غير متذاكر والرياضيات كمان ..
أده أنت بتهذر أزاى أجيب الخمسين من غير ماذاكر .. هقولك أنتظرنى يوم الأثنين القادم والموافق 22 / 4 / 2013م وأولى حلقات برنامجنا أزاى تجيب مجموع فى الثانوية العام ... انتظرونى يوم الأثنين والثلاثاء والخميس والجمعة بعد صلاة العشاء مباشرة على موقع بوابة الثانوية العامة .. على هذه الصفحة مباشرا .. هتكون حلقتنا الأولى عن مادة اللغة العربية للمرحلة الثانية .. انتظرونا يوم الاثنين الموافق 22 / 4 / 2013م ..
|
السلام عليكم ورحمة الله وبركاته ..... أهلا بكم وحلقة جديدة من برنامجنا أزاى تجيب مجموع فى الثانوية العامة .. معكم أحمد محمود أحمد محمود
الحلقة السادسة : الرياضيات 2 "للمرحلة الثانية من الثانوية العامة"
مادة الرياضيات من المواد الى محتاجة فهم وحل مسائل وتطبيقات كثير وده اتعودنا عليه فى السنوات السابقة .. ولكن فى هذه السنة الوضع مختلف تماما لأننا بندرس الرياضيات العامة وخاصة الميكانيكا ..... احنا عندنا ثلاثة امتحانات اخر العام .. طب متيجوا كده نفكركم بمواعيد الامتحانات :
1- التفاضل والتكامل : يوم الثلاثاء 18 - 6 - 2013م
2- الميكانيكا : يوم السبت 22 - 6 - 2013م
3- الجبر والهندسة الفراغية : يوم الخميس 27 - 6 - 2013م
يعنى احنا قدامنا 3 أيام قبل التفاضل و 4 أيام قبل الميكانيكا أما الجبر قدامنا نصف يوم اى بعد مانرجع من امتحان المستوى .. هو ده مش مشكلة احنا عندنا يوم الاثنين تربية وطنية يعنى مادة بسيطة نقدر نكتب فيها اى حاجة يعنى نذاكر الجبر .. طب ده بالنسبة لطلبة الاقتصاد والاحصاء طب بالنسبة لعلم النفس والاجتماع هنعمل ايه ده احنا كده هيكون عندنا أربعة ايام وراء بعض .. انتظرونى فى حلقة علم النفس وانتم هتعرفوا هنعمل ايه ... ودلوقتى ازاى هنذاكر الرياضيات :
أولا : التفاضل والتكامل :
أ- محتويات المنهج : "النهايات - الاشتقاق - التطبيقات الهندسية والمعدلات الزمنية - سلوك الدالة ورسم منحناها - التكامل" .
ب- دروس الكتاب كلها مهمة يعنى مفيش درس معلهوش مسئلة ...
ج- نظام الامتحان : يأتى الامتحان على هيئة خمسة أسئلة :
السؤال الأول : وده أجباريا وهيكون على التكامل ومسئلة على الباب الرابع .
بعد كده : هيقولك أجب عن ثلاثة أسئلة فقط مما يأتى :
وطبعا انت متخترش علشان متضمنش نفسك يعنى حل الامتحان كله كامل .."أوعى تسيب سؤال" أنا بحذرك .....ده لو كنت عايز تجيب 50 من 50 ..
د- نذاكر المنهج من مذكرات الشرح لا المراجعة ... الكلام ده ليلة الامتحان .....
ثانيا : الميكانيكا :
1- الاستاتيكا .... وهى علم دراسة القوى على جسم ساكن .... وتختص بالنظريات الهندسة المستوية ...
دى نذاكرها بهدوء جدا وخلى بالك انت عندك اسئلة نظرية فى هذا الفرع سواء كان استاتيكا او ديناميكا ولو مش مسدقنى افتح امتحان 2009م دور اول وانت هتشوف ده جه يقولهم عرف القدرة ؟ يعنى لو كنت مش حافظ النظرى كنت هتعمل ايه فى سؤال هدية ذى ده ...
2- الديناميكا .. وهو علم يختص بدراسة الاجسام الكبيرة نسبيا والقائمة على معادلات الحركة فى خط مستقيم .... أو علم يختص بدراسة الاجسام المتحركة ذات العجلة المنتظمة .
وطبعا مفتاح حل اى مسألة ديناميكا هو حفظ معادلات الحركة الثلاث وهما :
1- ع = ع0 + ج ن 2- ف = ع0 ن + 0.5 ج ن2 3- ع2 = ع20 + 2 ج ف
وكمان رسومات واتجاهات الحركة المختلفة ...
نظام امتحان الميكانيكا :
أولا : الاستاتيكا : وده عليه 3 أسئلة تختار منهم سؤالين فقط وطبعا تحل كله ..
ثانيا : الديناميكا : وده عليه برده 3 أسئلة تختار منهم سؤالين فقط وطبعا تحل كله ..
وطبعا ذى ما قولنا احنا نذاكر من ملازم الشرح مش المراجعة ....
ثالثا : الجبر والهندسة الفراغية :
وده اهم فروع الرياضيات واسهلها ... هو الهندسة الى هيتعب فيها حفظ النظريات والبرهان وطبعا اسئلة الاكمال وده ملزمة صغيرة هتلم فيها كل ده ......
نظام امتحان الجبر والهندسة الفراغية : هو نفس نظام امتحان الميكانيكا .
وأخيرا وليس اخرا توزيع الدرجات حسب التعديل الوزارى لعام 2013م ..
التفاضل والتكامل : 15 درجة
الميكانيكا : 20 درجة
الجبر والهندسة الفراغية : 15 درجة
يعنى المجموع كله خمسون درجة ................
ودلوقتى انتهت حلقتنا اى اللقاء مع الحلقة السابعة وهتكون مهمة جدا ..... انتظرونى يوم الخميس الموافق 2 – 5 – 2013م ..
ولاى استفسار رقم تليفونى 01114072041