[blackroad]

رسالة من اعماق الامل ,,

ياللي شايفها ظلمة وفاضية
ياللي شايف الحكاية قاضية
افتح قلبك للنور..
شيل من حواليه السور
لو كانت صعبة او سهلة ...!!
سيبها برضو اللي خلقها ...

الدنيا دي حكاية ...
ليها وسط وبداية ونهاية ..
يوم ميلادك ده كان بدايتها ..
ويوم فشلك ده كان وسطها ..
ويوم نجاحك هو نهايتها ...

ده الطفل يبدأ حياته بفشل ..
وتلاقيه قام ووقف ومشى ..
ياللي بتقول انا ضعيف ..
دور حواليك عالنضيف ..
صاحبه وهو يبقى ضلك ..
انت خليله وهو خلك ..
هو مرايتك وصورتك ..

واللي يخون اليوم واحد ..
بكرة تلاقيه .. قلبه شاحب ..
بكرة تلاقيه يتندم ..
ويقول ده انا بقيت من غير صاحب ..

وياللي شابفها ظلمة وفاضية ..
اعرف ان انت اللي خليتها قاضية .. !!

بقلمي ,,

اتمنى اشوف آرائكم .. وملاحظاتكم .. وشكرا جزيلا للقراءة