[مروه]

السلام عليكم

أدام الله الصحة والعافيه على كل اعضاء المنتدى






طبعا عارفين كلنا اللى بيحصل فى سوريا دلوقتى

يعنى لو قعدنا شهور نوصف اللى بيحصل

مش هنوفى عشر القــتــــل والمذابح الجماعيه

والتـــعـــذيـــب اللى فى السجون دلوقتى

وملايين العائلات اللى اتشردت

والأطفال اللى مش لاقيه تاكل دلوقتى والرضع اللى مش لاقيين لهم حليب

طبعا مش هتكلم عن الدور المتخاذل للدول العربية

دولة زى السعوديه عندها فائض 100 مليار السنه دى يعنى تقدر

تحل الكوارث الإنسانية اللى بيعيشها الشعب السورى دلوقتى

لكن احنا خلاص اتعودنا على التخاذل ده خلاص من زمان

وماشاء الله على الشباب اللى بتسافر دلوقتى لسوريا

بيأكد إن لسه فينا شوية خير

أنا مش بقول إننا نروح نجاهد

بس طبعا بخلاف التبرعات .... أقل حاجه نقدر نعملها

هو الدعاء لهم بتفريج الكرب ورفع الغمة والإنتقام من بشار

والموضوع ده هيكون الدعاء لسوريا

فى هذه الأيام المستجاب بها الدعاء

رجب وإن شاء الله شعبان ورمضان

بسبب إنشغالنا بأمورنا االحياتيه والمشاكل السياسية اللى موجوده دلوقتى

بننسى ندعى لسوريا والموضوع ده من أجل التذكرة

ياريت كل عضو أول لما يدخل المنتدى يدعى لسوريا

ويكون تسجيل دخوله بالدعاء ده

أولا هتاخد حسنات على الدعاء

تانى حاجه دعوة صادقة فعلا ممكن تكون سبب فى نهاية بشار
ورفع الغمة عن السوريين

قال رسول الله صلى الله عليه وسلم
( لايرد القدر إلا الدعاء )

ملحوظة بس : للناس اللى بتقول احنا مالنا ومال سوريا دلوقتى
خلينا فى نفسنا الأول وكفاية مشاكلنا علينا
هقول حديث واحد بس

( من لم يهتم بأمر المسلمين فليس منهم )

أرجووووووووو الدعاء
حتى لو مش هتكتب الدعاء اللى هتدعيه فى الموضوع

بس أهم حاجه نفتكر ندعى