[أريــــ الجنة ــــد]

أهلا بيك
هي أول مشكلة واجهتك دي واجهتني انا شخصياً قبل كدا ,,
أنا عن نفسي كنت بحفظ الأدب ف أغلب الأحيان حفظ بحت ,, كان في حاجات بتقع مني ف الفهم بس مبفكرش ف اني أفهمها
المدرس لما كنت أسأله عنها يقوللي احفظيها زي ما هي كدا ,,
وده غلط
لأن عشان تحفظ حاجة لازم تفهمها الأول كويس , فتلاقيك كنت طول السنة معتمد ع الحفظ بس ..

تاني مشكلة السهر والنوم متأخر ..
بص لو كنت معتمد ع اي نوع من انواع المنبهات زي القهوة او الشاي حاول تبطلها او تقلل منها ع قد ما تقدر
عشان بسببها انا ضعت ف تانية ثانوي ف الكيميا ,,
كنت نايمة 4 الفجر وصحيت 5 عشان أكمل مذاكرة طبعا صاحية دماغي تقيلة وبتاع
روحت شاربه كوباااية قد الشفشق كدا نسكافيه ,, وعينك ما تشوف الا النور
مصحصحة جداً طول الفترة دي لحــــد ما دخلت الامتحان
أبص للسؤال أحس اني قرأت حاجة زي دي قبل كدا بس فين وامته مش عارفة
و الموضوع عدى ع خير بس طبعاً حرمت ..

أما بأه لو مبتعتمدش ع المنبهات فحاول تفرغ دماغك من اي هموم او خوف او مشاكل
عشان ده لوحده كفيل بإنه يسببلك أرق ..
صفي ذهنك للمذاكرة وبس

وبالتوفيق ان شاء الله ومعلش لو طولت