[حميد بدوى]

ردا على قصيدة أخوان لهشام الجخ

الكل ماشى مع الهوجة
وكل من هب ودب
نازل شتيمة فى مرسى والاخوان
وكأن هى دى الثورة
وهو كدا بقى بطل قومى
وفارس الفرسان
والكل بيطبل وشغال
أحلى شغل مع الاعلام
والكل قالب على الاخوان
وهشام الجخ بيسخر
من مرسى كمان
وبيتكلم عن الساعة وعن الجماعة
البتاع والبتاعة
طب أنا راضى ضميركم ده أسمه كلام
وعامل قصيدة وييقول أنا أخوان
الاخوان فى كل مكان يا هشام
من مرسى مطروح لحد أسوان
ولا هما هولندين ولا كانوا أمريكان

الاخوان مش مجرد جماعة ولا فصيل
الفرق بينهم وبين كل الاحزاب
زى الفرق بين الواقع والتمثيل
مرسى وصل للكرسى
بطمع من كل المرشحين
واللى لسه لحد الان طماعنين
وأذا ماكنتوش مصدقين
أسالوا حمدين
للاسف كل واحد كان شايف نفسه
أنه مفيش أخوه ومالوش مثيل
يبقى كفاية بقى كلام وغنى وموويل
وكفاية بقى كدب وتضليل
مرسى نفسه يعمل لمصر المستحيل
مش بمزاجه غصب عنه
لانه معندوش بديل
واللى عنده حاجة ضده يقدم الدليل

أنا نفسى اللى يعارض مرسى
يعارض سياسة
مش يقول كلام حقير
ووساخة ونجاسة
ويعمل حاله فيها فتى الشاشة
دا حتى أبراهيم عيسى بقى صورة
طبق الاصل من توفيق عكاشة
هاتستغربوا لو قولتلكم
أنا مش مع الاخوان ولا مع مرسى كمان
أنا مع الحق فى أى مكان وزمان
وأسألوا عنى أيام مبارك كنت أنا الميدان

وكل الحكاية أنى مليت من الاعلام
و كمان لازم يكون فى شوية أدب وأحترام
ومرسى رئيس منتخب مهما كان
والشعب أختاره ولازم يتحمل نتيجة أختياره
صح ولا أنا غلطان
وحتى لو مش رئيس
فى حاجة أسمها أحترام الانسان
أنا عايز أعرف كنتم فين من زمان ؟؟
راح فين الادب يا بتوع الادب
وأوعوا تنسوا أن بالحب والعطاء تبنى الاوطان
مش بقلة الادب والمسخرة وطول اللسان
ولو الحال فضل على كدا هانرحوا فى خبر كان

ولازم نعرفوا أن العالم فى حالة سبق
وأحنا فى التوهان
الشعر مش أفعال وأوزان
الشعر كلمة حق فى أى زمان ومكان
الشعر صوت أذان
وحب الوطن مش أغانى ولا أفلام
ولا حتى قصايد وكلام
حب الوطن عمل وأصرار وأيمان
وياريت نتعلموا الادب والاحترام
عشان لما نحترموا بعضنا
العالم
هيحترمنا كمان
وساعتها بس هيكون فى قيمة للانسان
وهيكون لنا شكل ولون ووجود وكيان

الشاعر
عبد الحميد بدوى