محمود العادلي يكتب: قراقوش ... *** الولد ...وهيبيع البلد
الثلاثاء 14 مايو 2013 - 11:05 ص
رأي ورؤى
د.محمود العادلي
· يُحكى أنَّ ..أنَّ أيه ...أنَّ قراقوش ...كان يستمع لأغنية :· (( بيع ..بيع ..بيع يابديع .. /شوف الشاري مين ..../ بيع ..حلايبك ...بيع شلاتنيك ... /شوف الشاري مين ..)) · فقام قراقوش ..بشعره المنكوش .. وأغلق التليفزيون ..وشد السيفون ...وصرخ في قنديله...وطلب أنه يجيله ... في الحال ..ثم قال له : عال العال ... ده شوية شوية .. تعملوا قصتي موال ... مين اللى سمح بالأغنية ديه...ديه أغنية مفترية ...· فرد عليه رئيس الوزراء المقنل بالنيلة ...واللي خيته خيبة كبيرة : يا مولانا ...أهدى شوية ..ديه أغنية تنفسية ..بنسمح بيها ..عشان ...الناس تنفس عن اللى جوَّاها ...وأحنا نعمل ...اللى أحنا عايزينه ..من سياسة تمكينية ...تمكننا من حكم البلاد ...ورقاب العباد ..· قراقوش : يعني أنت شايف كده ...· رئيس الوزراء : نعم ...وأبو كده ..· قراقوش : طيب عملت أيه في تشكيل الوزارة ...· رئيس الوزراء : التشكيل ..ماشي عال العال ..· قراقوش : طيب أيه هي طريقة الإختيار .· رئيس الوزراء : هي طريقة تسديد فواتير الانتخابات ..· قراقوش: أزاي يعني أحنا عندنا كشف باسماء اللى عايزين نجاملهم ..من أعضاء الجماعة ...لأنهم ساعدونا في الانتخابات...وعندنا كام وزراة ..عايزين يشملها التمكين فيها ...· قراقوش : وبعدين · رئيس الوزراء : ولا قابلين ..أحنا ...ماشيين ..بالدور ...رقم (5 ) مثلا ..عليه الدور .نحطه في الوزراة الفاضية اللى عايزين لها وزير ...· قراقوش : طيب لو كان الوزير معندوش مؤهلات أو خبرة تسمح له بتولي هذه الوزارة ...· رئيس الوزراء : ديه مش مشكلة ...هو يمسك الوزارة وبعدين يكتسب الخبرة بعد كده ...يعني مثلا ..وزير الاقتصاد ...ممكن مش لازم يكون معاه مؤهل إقتصادى ... ممكن إنشالله يكون مع بكالوريس خدمة إجتماعية ..أو حتى ألسن ...وكفاية أنه يكون راح ..مرة أشتري شوية بضاعة من السوق أو حتى من سوبرماركت ..وعلى فكرة ..أحنا بنصحح بكده أخطاء مكتب التنسيق .· قراقوش : أزاي · رئيس الوزراء : أصلا مكتب التنسيق بيوزع حسب الدرجات في الثانوية العامة ...رغم أن الطالب يبيكون عنده ميول تانبة خالص ..· قراقوش : زي أيه يعني ..· رئيس الوزراء : يعني عندنا ...واحد في الجماعة ..كان غاوي رحلات وكشافة ..وجوالة ...وديه راح كلية الطب ...ليه ما يبقاش وزير خارجية ..واحد طبيب ..أمراض جلدية ...بس ما شاء الله ... ..لكن عنده ميول تجسس رهيبة .زكان بيتتجسس على زمايله في المدرسة ......وعنده حب استطلاع ...كان بيحاول دايما يستطلع ...إجابة الطالب اللى جنبه فى الامتحانات...ويجمع معلومات عن أسئلة الأمتحانات ..ليه ديه ميمسكشي جهاز المخابرات ..أو جهاز جمع معلومات ....واحد ثالث ...كان نفسه يألف كتاب إن شاء الله عن الطبيخ ...ليه ديه ما يمسكشي وزارة الثقافة ..· قراقوش : بس ديه أحنا سمعنا أنه ..يعني ..كان يعني . يعني ..· رئيس الوزراء : تقصد أنه سلوكه يعني ...· قراقوش : بالظبط كده ...سلوكه يعني ..مرة مسكوه يعني ...مع بنت طالبة ..يعني ...وعملوا ليه سي ديه ..وفيه.. كلام يعني ...مش كويس ... يعني · رئيس الوزراء : ما هو ديه التطور والنهضة ..يا مولانا ..· قراقوش : أزاي ...· رئيس الوزراء : أصلاً بدلا من نجيب ناس نظيفة ...والمنصب يخليهم ينحرفوا ...أحنا نجيب ناس منحرفة جاهزة ....عشان يبقى مالهوش نفس في حاجة ...وبعدين يوم ما نحب نشيله من المنصب ...نظهر ليه ملفه اللى مش نظيف ...ونطرده ..ونقول اننا كنا مخدوعين فيه ..لكنه طلع يعني ...مش كويس ...· قراقوش : بس المهم في اللى هتجيبهم وزراء ..تكون لهم شعبية ...عشان نستفيد من شعبيتهم في الانتخابات القادمة .· رئيس الوزراء : حاضر يامولانا ..· قراقوش : قبل ما نسى ..فيه واحد كان متعاطف معانا في الانتخابات ...ونفسه يبقى وزير ...شوف له أي وزارة ....لأحسن واجع دماغي ...كل شوية يتصل بيه ..· رئيس الوزراء : بس ديه أنا سامع أنه ترزي قوانين ميه ميه ...· قراقوش : خلاص على البركة ...مسكه وزارة ..بس حط معاه ناس من جماعتنا ...يتعلموا ..منه تفصيل القوانين ..وبعدين لما نزهق منه ...نبقى ...نفسحوه...· رئيس الوزراء : حاضر يامولانا ....
******
· ويفتح قراقوش التليفزيون ...فيجد المذيع يقول ...ونحن الآن مع أغنية ( بيع يابديع ) التي تقول كلماتها :· بيع ..بيع ..بيع يابديع .. /شوف الشاري مين ..../ بيع ..حلايبك ...بيع شلاتنيك ... /شوف الشاري مين ../ بيع قناتك ...بيع أخواتك ../ شوف الشاري مين / بكره نأخذ تارنا ...وتار أبطالنا / الجندى و جيكا ومينا/ ...واللى ماتوا في سينا / بكره نعرف مين اللى غدرنا / بكره تتحبس يا جاسوس / يا بايع بلدك.. بأرخص فلوس / بكره .. هنعريك بلبوص / بكره يظهر المستخبي و المدسوس / خلاص ..بكره فجره بان .../ بكره هيبقى أمان / بكره يلعنكم كل إنسان / في كل زمان / وكل مكان / بيع ..بيع ..بيع يابديع ../شوف الشاري مين ..../بكره فجره بان ...بكره هيبقى أمان..· فيضحك قراقوش ..مقهقها ويقول : خليهم يتشلوا ..· فتتظهر على شاشة التليفزيون سيدة تصرخ قائلة :
( الله يخرب بيتكم ..هتبيعوا البلد ...وسجنتم..و***م.. الولد ....ربنا يخلصنا منكم ....ومن جهلكم .....مش عارفين تحكمونا... وعايزين تبيعونا ببلاش .....للي يسوى ..وما يسواش ...ربنا يخلصنا منكم ....يا شوية أوباش )) .
******
· وتبقى كلمة : ·
1- إن بيع البلاد بالقطعة – بصكوك ..او بأية طريقة ...ولو كانت طريقة نزع إقليم معين من سيادة البلاد عليه - .......هو الباب الذهبي ...للإستعمار في حليته الجديدة ....وسلم لي على ...مبدأ ( السيادة الوطنية ) ....ومبدأ ( عدم جواز التدخل في الشئون الداخلية للبلاد ) ....ومعهما مبدأ ....( إستقلال قرارها السياسي ) . · 2- إن المستشار الذي يقبل أن يكون وزيراً ..في وزارة عمرها الإفتراضي ..بضعة أشهر ....ويترك منصبه القضائي الرفيع ....مشكوك في رجاحة عقله ..أو مشكوك ...في سمو عدالته ...أو مشكوك في......فهمنا الصحيح له ....فقد يكون يرى – كفرعون – ما لايراه يراه قومه ..·
3- إن وقوف الستشار فلان الفراني أمام رئيس الدولة حالفا لليمين ...بعد أن وقف – أو كان من المقرر أن يقف – رئيس الدولة أمامه حالفا لليمين الرئاسي ..لهو دليل ساطع على..... أن الأرض كروية...تدور حول نفسها...كل 24 ساعة ...·
4- إذا صح أن علان العلاني كان معتقلا بدون أمر إعتقال ؛ فإنه لا يصلح لأن يكون رئيساً للدولة ...لأنه لم يفطن لعدم قانونية اعتقاله أو لم يقاومه... فكيف يحمي شعبه ...ويقاوم أي إعتداء عليه من الداخل أو الخارج .
http://dostorasly.com/news/view.aspx...0-42c279d7b8d9