[بنت الأزهـر]

المشاركة الأصلية كتبت بواسطة معلم متعاقد

انا عايز افهم حضرتك شايفه امتحان غير اللي احنا شايفينه بصي كده للقطع الموجوده في كتاب الانشطه هتلاقي كلها لا تحتوي علي كلمه او اتنين جديده انما اجيب قطعه واطلب من الطالب يخمن الاجابه لا طبعا انا عندي طلبه بامكانهم حلها لكن فين الاغلبيه العظمي امال انا ليه بلزم المدرس بمنهج لما اجيب قطعه بها كلمات من خارج المنهج ارجو ان حضرتك لو عندك مجموعه طلاب كويسين متطلميش الباقي لما احب اختبر طالب اختبره في سوال بسيط مش قطعه عليها 8 درجات احنا لما كنا طلبه في ثانويه عامه كانت اكتر حاجه بنشتكي منها كلمات القطعه الجديده علينا يبقي ما بالك بطالب الصف السادس

الأغلبية العظمي يمكنهم حل القطعة لو بيفهموا أو لو المدرس علمهم صح.

There was a fire at a garage yesterday. A mechanic spilled some oil on the floor. He then lit a cigarette and accidentally dropped it onto the oil. The oil caught fire immediately . Soon the flames spread to other parts of the workshop. Six dire engines and 20 firemen took three hours to put out the fire . No one was hurt but the building was completely destroyed.

1- Where did the fire happen ?
هو لو طالب عارف معنى where أين؟ ومن أول سطر قرأ في القطعة كلمة جراج هيحتار انه يجاوب السؤال؟
There was a fire at a garage

2- Who caused the fire ?
لو واحد بيفهم وعارف ان who بمعنى مَنْ؟ ومفيش أي حد مذكور في القطة إلا رجل واحد هو mechanic مش هيعرف يحل السؤال دا؟
3- What happened to the building?
هل في جملة فيها كلمة building إلا آخر جملة؟
the building was completely destroyed
هيغلب الطالب انه يكتبها؟ دا لو حمار هيفهم (وحاشا للتلاميذ أن يكونوا كذلك)

4- ( Three people – Six people – No one ) was hurt in the fire.
مكتوب في القطعة:
No one was hurt
متعبة أوي للطالب انه يبص للقطعة ويلاقي الجملة؟ وكلماتها صعبة لدرجة انه لا يفهم منها شيئا؟

5- The fire was put out in ( six – twenty – three ) hours.
أظن مفيش في القطعة كلها كلمة hours إلا في هذه الجملة
three hours to put out the fire

هل من حجج أخرى؟
وبالمناسبة أنا سألت كل زميلاتي في التصحيح عن مستوى الامتحان وقالوا عادي جدا وحتى التلاميذ قالوا كويس والشك في أحد أسئلة القطعة وحلوه صح.علما أننا في معاهد متفرقة. إذن القياس ليس بما يقوله الأساتذة بالمنتدى. لو حضرتك عاوز تحسبها ممكن تعمل إحصائية على مستوى الجمهورية واستطلاع للرأي. لكن أن تحكم بصحة كلامكم وخطأ كلامنا وأن تقييمكم أنتم فقط هو الصح والباقي غلط فهذا غير عادل. وأظن ينبغي أن يعلم المدرس جيدا معنى ومدلول المادة الثقافية ويدرس لهم على هذا الأساس ويطور ويبدع في مادته بدلا من جدال لا طائل من ورائه.

وختاما أظن ها هو واضح في أسئلة كل عام القطعة بها كلمات جديدة فلينتبه كل مدرس ويدرب تلاميذه على ذلك ويعلمهم كيف نفهم المعنى الإجمالي ونحل أسئلة القطعة بدقة وإتقان. حقيقة أشكر أستاذي الذي علمني في المرحلة الإبتدائية والإعدادية فقد كنا ندخل الامتحان ونحن نضمن سؤال القطعة مهما بلغ من الصعوبة وكنا أحيانا لا نفهم الكلمات فنحفظها ونذهب لنبحث عنها فترسخ في أذهاننا. كان مدرسا بحق أسأل الله أن يبارك فيه ويجزيه عنا كل خير.

أعتذر عن الإطالة ولكن أحزنني الرؤية غير المنصفة من الأساتذة الكرام ممن حكموا أن الامتحان خارج المقرر ووووو