[محمد على ابوزياد]

المشاركة الأصلية كتبت بواسطة سمسمه الشطوره

بعد اذن ادارة بوابة الثانويه العامه
انا عندي بعض الاقتراحات او الافكار اللي بتمني من حضراتكم تنفيذها
علشان يهمني طبعا ان البوابة تبقي من افضل المواقع في كل حاجه


يعني مثلا اول حاجه ياريت لو تعملوا جوائز شهريه لافضل الاعضاء نشاطا من حيث المشاركات والاهتمام بعمل موضوعات جديدة
بمعني انه حنشوف في كل قسم مين اكتر الاعضاء اللي بيشارك فيه وبيعمل مواضيع اكتر
والاعضاء اللي حيبقوا متميزين حيتقدملهم وسام التميز الشهري وبمجرد مينتهي الشهر حنتابع مرة تانيه مين انشط الاعضاء في كل قسم وهكذا .. حنعمل موضوع نوزع فيه الاوسمة لكل الاعضاء المتميزين والوسام اللي حياخدوا حنحطه في التوقيع بتاعه ولما يخلص الشهر نشيله عشان نحطه في توقيع المتميز اللي حيستلمه بعده .. يارب تكون الفكرة واضحة
والهدف منها ان الاعضاء يتشجعوا ويتنافسوا وتبقي الاقسام مليانه بالمواضيع الجميله اللي حتستفاد منها الناس


تاني حاجه ياريت لو تبقي الصفحه الشخصية لكل عضو فيها رسائل زوار يعني بدل مالاعضاء بيرسلوا لبعض رسائل خاصه بس حتبقي في رسايل زوار وحتبقي اسرع وايسر لان الصندوق الخاص بيتملي بسرعه والرسالة بتاخد وقت عشان توصل فالرسايل العاديه حتبقي احسن


تالت حاجه يبقي من ضمن التسجيل تحديد النوع ( ذكر _ انثي )
عشان ده حيفيد في منع دخول الرجال في اقسام النساء اللي المفروض ممنوع دخول الرجال فيها لكن برضو بيدخلوا

معلش انا طولت عليكوا بس دي بعض الافكار اللي حبيت اعرضها عليكوا
وعايزة اعرف رأي الاعضاء فيها
بانتظار ارائكم بفارغ الصبر ....

في رعاية الله

تم ابلاغ الادارة بالمقترحات للعرض على الادارة
تحياتى