اقتباس:
المشاركة الأصلية كتبت بواسطة bosyomnia
أولا السلام عليكم ورحمة الله وبركاته
ثانيا اشكركم علي المجهود الجبار الي واضح ف البرنامج والحقيقه انا شخصيا استفدت منه ف الشغل السنه دي واصدرنا بيه النتيجه ولي عده استفسارات بعد اذنك اتمني ان امكن تحقيقها
1 - مطلوب جبر الكسور لتكون الاقل من النصف ( تلغي ) والاعلي من النصف تقرب لاقرب رقم صحيح لأن مثلا ممكن يكون طالب جايب 7.8 من 20 ويعتبره البرنامج راسب ف حين اننا بنجبر الرقم ل 8 ويكون ناجح ، وحينما استخدمت ( كليك يمين - تنسيق الخلايا ) يظهر الرقم 8 ظاهريا وليس فعليا ولا يغير المجموع و يعدل الشهاده ويظل الطالب راسب
2 - مطلوب وضع دوائر علي شهادات الطالب ف مواد الرسوب لأننا بنضطر نعملها يدويا او علي الاقل تظليل درجه الرسوب
3- مطلوب ربط بيانات الدور الثاني تلقائيا مع نتيجه الدور الاول بمعني اضافه اسماء طلبه الدور التاني تلقائيا بدون ادخالهم يدويا، ،هتكون اسهل علي اعضاء الكنترول واوفر ف الوقت كتير جدا
4- عاده ف الدور الثاني احنا بنحط الدرجه القديمه للطالب (الدور الاول ) تحت او فوق رصد الدرجه اللي حصل عليها ف الدور التاني ، هنا ف نسخه البرنامج مفيش امكانيه لكده ونتمني انه يكون ف خانه تلقائيه تستدعي الدرجه القديمه وتكون مظلله مثلا لتميزها ،، ويبقي الخانه الجديده للدور الثاني بجوارها مثلا
5- لاحظت ايضا ف الدور الثاني خانه الرصد للمواد بتكون علي اساس المجموع النهائي ، وده هيضطرني ارجع اجمع يدوي اعمال السنه والعملي كان كام قبل كده واضيف درجه التحريري الجديده وارصدهم ، فلو امكن برضه يبقي في اعمده يستدعي فيها تلقائيا القيم القديمه وتتجمه علي درجه الورقه بتاعه التيرم التاني
6 - وأخيرا امكانيه اضافه المنازل وبعض الطلبه الممتحنين من السجون بيكون ليهم ظروف خاصه كعدم وجود درجه لاعمال السنه او العملي وتلغي منهم بعض الانشطه وبالتالي بيكون محتاجين لشكل شيت مخصص ليهم
وجزيل الشكر للأستاذ احمد علي برنامجه الممتاز بكل المقاييس
|
السلام عليكم ورحمة الله و بركاته
اخى العزيز بارك الله فيك
و شكرا لرسالتك
برجاء ارسال القرار الوزارى المنظم لطلبة المنازل
أخوك احمد السيد