اقتباس:
المشاركة الأصلية كتبت بواسطة احمد يدوي
لا اله الا الله انتو معيبين عن الواقع .. للدرجه دي مش شايفين .. طيب مش سامعين ..يا راجل حركة تمرد حصلت على مليون توقيع في سوهااااااااااااااااااج انت عارف يعني ايه في سوهاج
عاوزني ارد على حضرتك اوكي
- أذكر الخراب الذي تسبب فيه الأخوان كما تقول سيادك.
يا استاذ بالله انت شايف ان البلد فيها عمار , انت عارف الدولار بكام ؟ انت حضرتك مش شايف نقص الوقود والله اقف بالساعه علشان افول بنزين 80 ولما مش بقدر بفول 90 بس بقول حسبي الله ونعم الوكيل في الاخوان اللي مش قادرين يديرو البلد
2- أذكر أمثلة على كذب الأخوان كما ترى.
يا راجل بالله عليك اذكر لي انت مثال واحد هما صدقوا فيه , عاوزني انا اذكرلك مثال واحد على كذبهم انا هخليك تتعب شويه و تبص في اليوتيوب شوف تصريحات العريان على سبيل المثال و مدحه للبرادعي ولا شوف مرسي ووعوده ولا ولا .......
- اذكر امثلة لعصور الظلام اللي الاخوان رجعونا ليها كما تدعي
قولي صحيح يا باشا هي الكهربا اخبارها ايه عندك ؟ كانت بتقطع كده على ايام حسني مبارك ؟ منور يا سعادة الباشا احنا ولا عايشين في ظلام ولا حاجه ولا اشترينا كشافات ولا حاجه ولا الناس الميسوره اشترت مولادات ولا حاجه .. منور يا باشا
4- أذكر أمثلة لعصر النور قبل حكم الأخوان كما ترى
حكم مبارك فاسد وابن .... وحكم الاخوان فاسد وابن ....
5- أذكر أمثلة لتشوية الاخوان للدين كما ترى
انا مش هرد عليك بس عاوزك تشوف رأي الناس دلوئتي في الناس ام دقون ( الدقانيش) .. يا باشا كنا بنشوف الواحد منهم بنحترمه اوي و نقرب منه و سعات نقوله : ادعيلنا يا عم الشيخ دلوئتي الناس بتبصلهم على اساس انهم شوية كدابين منافقين ونزلو من نظر الناس .. لما يجيلك واحد زي الشيخ صلاح ابو اسماعين يتكلم باسم الدين ويطلع كداب و لما يجيلنا واحد زي الله يرحمو البلكيمي وواحد تاني يتمسك مع بنت في عربية وكلهم بتوع دين .. اخص الله يكسفهم فضحونا والله .. لكن يا باشا انت شكلك مش متابع اي اخبار خالص علشان حضرتك شكلك مش عارف اي حاجه عنهم !!
- قارن بين فترة حكم المخلوع اللا مبارك و الأن في مجال الحريات و الامن و الاسعار
اولا الحريات ليست منة اهداها الاخوان للشعب هذه حقيقة لا يجب أن تتوه عن ذوي الابصار , بل نحن من اعطيناهم شرف خدمتهم لنا ونحن الان سننتزع منهم هذا الشرف لانهم خونة ومقرهم الاساسي في السجون وسيعودون اليها باذن الله تعالى
اما اذا عقدنا مقارنة عادلة بين حكم الاخوان و حكم مبارك فاننا نقارن سئ بسئ و نقارن بين مبارك و مبارك بدقن
تقبل تحياتي ايها الباشا
|
انت بس مستعجل شوية عليهم لسا بدرى نحكم على حكم الإخوان بدرى جدا أما بالنسبة للكذب ممكن نعذرهم لأنهم لسا مش قادرين يتعاملوا مع إعلام أسوء من السئ وبالنسبة لحال البلد بإذن الله الموضوع موضوع وقت بس هى المشكلة فى الأمن بس أما بالنسبة للدقن فهى سنة تصل إلى الفرض وأخطاء أصحابها أخطاء فردية وكما قلت أن الإسلاميين ما يزالوا لا يعرفون كيف يتعاملون مع إعلام فاسد بنسبة 100% وطبعا اخيرا المقارنة بين مبارك والإخوان مقارنة ظالمة من وجه نظرى عصر فاسد لمدة 30 عام وعصر لم يستطع رئيس البلاد السيطرة حتى الآن على الحكم فى النهاية يجب علينا مساندة رئيس جمهوريتنا بكل ما أوتينا من قوة حتى نستطيع الحكم على الإخوان ومتقلقش خالص لسا مبارك عبرة وموجود يعنى أكيد هيخافوا من الشعب اللى قضى على أكبر طاغية سيطر وظلم (اللهم اجعل مصرنا بلدا آمنا وارزق أهلها العدل وعدم الظلم)