[بندق__2007]

يااااااااااااااااااااه كل دى خير حصلك
يا بختك ....!!! ايوة يا بختك



و الله بتكلم جد









طب و الدليل بتاعى دليل لا يقبل الشك او الجدال







بسم الله الرحمن الرحيم

{ يا أيها الذين آمنوا اصبروا وصابروا واتقوا الله لعلكم تفلحون}

الصبر قبل التقوى لأن الصبر معاه التقوى و لو الانسان صبر فى الشدائد و ذكر ربنا اكيد هيذكره فى ايام الفرح فخليكى مع الفئة دى

{ أولئك يؤتون أجرهم مرتين بما صبروا}

يعنى يا ستى ابسطى اجرك مش اجر واحد لا اجرين اتنين و تقوليلى مش خير و زعلانة اوى

{إنما يوفّى الصابرون أجرهم بغير حساب}

الاجر بقى اللى هو ايه بغير حساب مش حسنة و عشر أمثالها و الله يضاعف لمن يشاء زى أى عمل لا ده الحساب مفتوح على قدر الصبر فعلى قد ما هتصبرى و تتمسكى بربنا فى محنتك أجرك يزيد

{ إن الله مع الصابرين}

بذمتك هو انتى تطولى ان ربنا يكون معاكى .... رب العباد بيقولك انا مع الصابرين طب ياريت تصيبنى مصيبة عشان اصبر عشان ربنا يكون معايا و احس انه معايا و واقف جنبى و مسخرلى قدرته

{واستعينوا بالصبر والصلاة }

و ربنا كمان قالك على الطريقة اللى تصبرى بيها على المصائب الصلاة حد يطول انه يكلم ربنا و ياخد اجر بغير حساب و مضاعف و كمان أجر صلاة ............ ده انتى تبقى طماعة لو فكرتى فى اكتر من كدة و تبقى - سورى - ..... لو مصبرتيش

{إنا وجدناه صابراً نعم العبد إنه أوّاب}

ده كلام ربنا على سيدنا أيوب ووصفه بنعم العبد ليه عشان وجده صابرا حد يطول يبقى نعم العبد لربنا

{ فَاصْبِرْ كَمَا صَبَرَ أُولُو الْعَزْمِ مِنَ الرُّسُل }

و كمان فوق الثواب للصبر و الصلاة و ذكر الله دا انتى بتقدى و بتعملى زى أولى العزم من الرسل " نوح و ابراهيم و موسى و عيسى و سيد الخلق محمد عليهم الصلاة و السلام أجمعين

مش لو قلنا لبنت من بنات اليومين دول - و انتى مش منهم - " الفستان ده زى الفستان اللى كانت لبساه المطربة عسلية حلمبوحة فى كليب نقطنى بخمساية يسترك " البت مش جرى هتشترى الفستان يبقى انتى متعمليش زى أولى العزم من الرسل

{ وإن تصبروا وتتقوا لا يضركم كيدهم شيئاً}

الصبر كمان هو الوقاية من كيد الناس و البشر لأن بالصبر ربنا معاكى و بالصبر فيه تقوى و حتى و لو وقع الكيد فلن يؤثر فيكى و لا هيضرك لأن ربنا معاكى

{ وما يلقاها إلا الذين صبروا وما يلقاها إلا ذو حظ عظيم}

ربنا بيتكلم على الفردوس الأعلى منزلة النبى محمد صلى عليه و على آله و صحبه و سلم و أسلوب نفى و استثناء و ده معناه قصر الفردوس على فئة الصابرين أولا و هم الأعلون و بعدها ذو حظ عظيم أى الذى سينال الرحمة و النعمة من الله جزاء ما فعل
يعنى كمان مع النبى ......... مش بقولك خير


انا طولت عليكى بس حبيت اقولك ان كل حاجة خير و كل حاجة بتحصل فيها خير ليكى طالما ربنا اللى عاملها و قدرها

و لسه فيه ناس بتحب لمجرد ان فى قلبها طيبة و لسه فيه ناس بتساعد بس عشان تعمل خير
و لسه فيه ناس بتخلص و بتتفانى فى الاخلاص عشان ماليها الخير و حسن النية

طولت عليكى بس انا عندى اخوات صغيرين كتير و يشرفنى انك واحدة منهم
و اختى الصغيرة و اعمل فيكى ايه بقى ؟ احطك ادام باب جامع .........!!!!!!!!