اقتباس:
المشاركة الأصلية كتبت بواسطة shahd.
مش مشكله ان فى امتحان العربى 3
ثانوى
جالهم سؤال ما جمع كلمه وحى وكمان
ضعها فى جمله مفيده !!!!!
... وﻻ المشكله انه سأل ما هو عكس كلمه
فجأه !!!!!
وﻻ المشكله ان فى واحد اخد ورقه
اﻻجابه بتاعته وهرب من المدرسه
وﻻ المشكله ان اﻻهالى قطعوا الطريق
فى اماكن كتير
... وﻻ المشكله ان الطﻼب طلعت عملت
مظاهره فى كذا مكان
وﻻ المشكله ان اﻻمتحان هو اسوأ
امتحان عربى يمر على الثانويه العامه
فى التاريخ
المشكله ان احنا خﻼص بقينا مصدقين
ان الدرجه بتفرق وان التعليم شئ
اساسى
فى بلد مفيهاش تعليم
يعنى ايه مقفل كمبيوتر ومش عارف
حتى تسطب نسخه للجهاز بتاعك
يعنى ايه مقفل فلسفه وانت فاشل فى
الحوار مع الناس
يعنى ايه مقفل علم نفس وانت مش
عارف ايه الى مضايقك وﻻ فاهم الناس
يعنى ايه مقفل عربى وانت اصﻼ فاشل
امﻼء
يعنى ايه مقفل انجليزى ولما تيجى
تشتغل ﻻزم تكون واخد كورسات عشان
اﻻنجليزى بتاع المدرسه ده ميأكلش
عيش
يعنى ايه مقفل ايطالى وانت عمرك ما
هتروح ايطاليا اصﻼ وﻻ هتشتغل
باﻻيطالى
يعنى ايه تقفل دين وانت مبتركعهاش
وماشى مع 9 بنات والكدب والسب على
لسانك 24 ساعه
يعنى ايه مقفل جبر وانت مش عارف
انت هتستخدمه فى ايه اصﻼ هو
والتفاضل وتكامل ومش عارف الداله
دى بيتعمل بيها ايه فى الحياه العمليه
ومش عارف تكون منظم اقتصاديا
يعنى ايه مقفل احياء وانت متعرفش ان
التعبان بيبيض وان الدولفين من الثدييات
ومتعرفش ان الطماطم فاكهه ولو
سألتك عن طول اﻻمعاء مش هتعرف
(9متر )
يعنى ايه تبقى مقفل كيمياء وانت
متعرفش اضرار اكل كتير فى حياتنا زى
الشيبسى الماده الحافظه الى فيه هى
نفس الماده الى بتستخدم فى حفظ
الجثث فى المشرحه
يعنى ايه مقفل تاريخ وانت مؤيد مرسى
او مبارك او السادات او عبد الناصر
ومتعرفش ان مفيش واحد فيهم
مزادش فى عصره ديون مصر وان اخر
واااحد عمل نهضه بجد كان محمد على
و اول خطوه عملها انه عزل القضاء
وحكم منفرداً وطبعا لو حد عمل كده
دلوقتى هن***ه
يعنى ايه مقفل جغرافيا وانت هتستفيد
ايه لما تعرف ان العراق فيها 33 مليون
نخله وان استراليا عدد الخرفان فيها اكتر
من سكانها بأضعاف ده انت بتوصل
بيتكم بالعافيه
يعنى ايه مقفل فيزياء وتقف على
كوبرى على النيل مش عارف انت لو
نطيت هايحصل ايه بظبط وتبقى عايش
على احتماﻻت لحد ما تشوف نطه فى
فيلم وتنط وانت مش عارف انت
المفروض تنزل ازاى بظبط فتتفاجئ ان
مفيش عضمه فى جسمك سليمه
استفدت ايه من الى درسته لغايه
دلوقتى فى مصر ؟؟
تفتكر الشغل الى هتشتغله لما تكبر
هايكون له عﻼقه بأى حاجه درستها
اسأل اى واحد متوظف فى اى وظيفه
جديده ايه اول كلمه سمعها هايقولك
قالولى انسى بقى كل الى انت درسته
والى تعرفه عن الشغل ده وبدأوا
يعلموه
بلد الشهاده فيها مجرد ورقه فى برواز
على الحيطه عشان بابا وماما يتباهوا بيها
لما يجيلنا ضيوف
|
عــندك حــق و لله يا " شـهـد "
واحــييكـى على الموضــوع الرائــع . . يــاريت كـل مصــرى يــعرف كده
واولــهم وزارة التربيــة و التعلــيم . . وتــكون شــهادة الطالب بفـائدتــين :
1- تديــله المــكانة التى يسـتحقها فى مـجمعة
2- يــشتغل بـعد التخرج مبــاشرة . . وحــسب التعليم اللى اتعلمـه و الشــهادة اللى حـصل عليــها بــعد
مجـهـود كبــير .