[كامل على]

هل تعلم أن محمد مرسي أنقذ مصر من الإفلاس؟
لما رحل المخلوع مبارك ، كان الاحتياطي النقدي 34 مليار دولار. جاء المجلس العسكري و جاءت حكومة عصام شرف وكان معظم الوزراء أسماء لامعة وأساتذة في مجالاتهم (أول حكومة بقى بعد الثورة) وكتير من هؤلاء الوزراء هم الآن أعضاء في جبهة الإنقاذ المحترمة.
هذه الحكومة الفاضلة استنزفت الاحتياطي النقدي وجعلته ينخفض إلى 14 مليار دولار خلال سنتين، يعني استنزفت 20 مليار دولار في سنتين.
مرسي وحكومته اللي بتهاجموها استلمت الاحتياطي النقدي وهو 14 مليار دولار وبقالها دلوقتي سنة تقريبا في الحكم. استنزفت كام مليار دولار؟ ولا دولار واحد طول السنة،
بل زاد الاحتياطي وتجاوز 16 مليار دولار حاليا، بالرغم من إن الاضطرابات السياسية لا زالت كما هي وبالرغم من إن نفقات الدولة كما هي بل زادت نظرا لزيادة السكان والتوسعات العمرانية بعد السنتين دول.
انت فاهم قيمة العمل ده؟
تعرف لو كان معدل انخفاض الاحتياطي استمر كما هو في عهد مرسي تعرف ده كان معناه إيه؟ معناه إن البلد كانت أفلست رسمي، معناه إن أفران العيش مكنتش هتلاقي دقيق تخبز عيش، وكان موظفين الحكومة مش هيلاقو مرتبات، وكان الدولار هتتجاوز قيمته 100 جنيه.
انتقد واشتكي وهاجم أي حد انت عايزه، بس لازم الأول تعرف كويس إيه الظروف اللي بيشتغل فيها.
بأكررها تاني، محمد مرسي أنقذ مصر من الإفلاس، واللي معترض على الكلام ده يتفضل يرد بالأرقام وعلى العين والراس