[(الدنيا ساعة فاجعلها طاعة)]

المشاركة الأصلية كتبت بواسطة funnybaby

بسم الله الرحمن الرحيم

اولا الحمد لله انى خلصت من الثانويه العامه على خير

الموضوع ده عباره عن اساله كل واحد اكيد سالها لنفسه كتير بس ياترى كان فى كل مره بيلاقى رد عليها

انا كنت عايزه بس افكركم بيها مش اكتر بس ياريت كل واحد يجاوب بجد المره دى على نفسه .

1_اخر مره صليت ركعتين شكر لله كان امته ؟ بصراحة من زمان

2_اخر مره دعيت ربنا فيها ؟كل يوم وخاصة الفجر وبدعيلكوا كلكوا

3_ياترى بتعدى ربنا قد ما بتشكره ؟ وما قدر الله حق قدره

4_اخر مره قريت فى السيره النبويه امته ؟من قبل الامتحانات

5_لو كان سرول الله <ص> عايش معاك فى البيت كانت هتبقى حياتك زى مهى كده ؟أه بس مكتش هقعد علي الكمبيوتر كتير

6_لما بتسمع الاذان ايه اول حاجه بتفكر فيها ؟بردد الأذان وبكون متوضيه في أكتر الأوقات ومستنياه

7_ياترى انت مع ربنا فى رمضان وايام الامتحانات قصدى ايام الازمات زى بقيه السنه ؟الإيمان يزيد وينقص

8_اكتر زنب نفسك تتوب عليه ؟أن لا أضيع صلاة الفجر أبدا

9_لو تخيلت نفسك واقف امام الله سبحانه وتعالى وبيحصى زنوبك وحسناتك من رايك مين هيبقه اكتر ؟مممممممم ربنا يستر علينا وعليكوا(فمن زحزح عن النار وأدخل الجنة فقد فاز)

10_ياترى تعرف عن الدين قد ما تعرف عن الدنيا ؟يعنى شوية معلومات بس الواحد يعتبر نفسه من الجاهلين والله

11_عملت ايه لما سب رسول الله ؟مقدرش اعملهم حاجة لكن حفظت القرءان الحمد لله وهحفظه للناس
ولما الناس تحفظ القرءان أكيد هترجع لدينها

12_اخر مره دعيت لاهالى فلسطين والعراق كان امته ؟
يوم الجمعة

13_كم مره نويت ترجع فيها لربنا واجلتها ؟أكيد كتير

14_ياترى هتاجلها دلوقتى كمان ....؟]
بس الواحد الحمد لله يصلي كل يوم ركعتين توبة

واساله تانيه كتير اكيد كلنا عرفنها بس يارتى بنعمل بيها ....؟

جعلكم الله من السباقين بالخير دائما
شكرا علي الموضوع