[s n ! P e r]

بص يامعلم كويس انك عارف نقاط ضعفك فى المواد ده عشان تعالجه وان شاء الله تكون متفوق فى تالته لو عرفت تعالجه

بص ياسيدى

فى العربى : نقطة ضعفى البلاغة لانى مكنتش بذاكرها كويس فى اولى وتانية ثانوى فاراجعها ازاى؟ اما النحو فانا كويس فيه بس اكيد حيكون صعب فى تالتة لانه حيكون من اول حاجة لاخر حاجة وصلتلها فاراجعه ازاى؟

البلاغه ده مش عايززه غير مذاكره وحل كتير ان شاء الله انا عندى ورق بلاغه ملخص كل البلاغه كلها هنزله ان شاء الله يساعدك ويساعد غيرك وامسك كتاب الاضواء بتاع السنه الى فاتت فيه عدد كبير جدا من اسئله البلاغه حاول انك تحله كله يعنى كل يوم حتى قطعتين او تلاته كده بلاغه تحلهم عشان بس متزهقش وتدخل سنه تالته وانت رايق عشان تعرف تذاكر المنهج كويس

النحو ده برده قواعد تراجعه بس وتعرف ده ليه وده ليه عشان كده تبقى تمام فيه وككويس انك حلو فيه يعنى

فى الانجليزى نقطة ضعفى الترجمة لانى معنديش ثروة لغوية كبيرة

احسن وقت تحفظ فيه كلمات هو دلوقتى
بص ياسيدى ان شاء الله انا قبل الدراسه هجمع كلمات الجديده فى المنهج بتاعنا كله نحاول ان احنا نبص فيه ونراجع عليه ونعرفه كده عشان مش نتفاجئ فى الدراسه من الكلامات

كل الى عليك دلوقتى انك تمسك القاموس الازرق ده تفضل تقرأ الكلمه وتقرأه كويس وببعد كده تكتبه فى ورقه صح يبقى كده تمام تبدأ انك تحطه فى جمل من عندك انت لو كتبت الكلمه غلط شوف اه الصح واكتبه 3 مرات وبعد كده حطه فى جمله من عندك برده كده ان شاء الله مش هتنساها

كل يوم كده اتسلى فى صفحه من القاموس مثلا

اما بقى الفرنساوى فهو كله على بعض نقطة ضعف ليا رغم انه ساهل بس كنت ممتاز فيه وبقيت اضعف فيه تدريجيا

انا بصراحه المانى معرفش الفرنساوى بتاعكو عامل ازاى بس بص ياسيدى
الفرنساوى اكيد صغير

اسمك بتاع اولى وذاكره كويس تانى وامسك بتاع تانيه وذاكره برده كويس وحاول انك تشوف ع النت كلمات وكده وحاجات من ده يعنى فى الفرنساوى عشان تنمى اللغه عندك

بالنسبه للمذاكره انا بالنسبه ليه شخصيا بذاكر من كل مكان من كل الى انت قولتهم دول

وعشان انا ادبى فطبعا مقدرش انى افيدك ازاى تذاكر الفيزيا والاحياء والميكانكا والكيمياء شوف جروب تانيه ثانوى علمى علوم ممكن يفيدوك


بالتوفيق ان شاء الله