[mr emoo]

المشاركة الأصلية كتبت بواسطة حمادة المصرى2

بدأالمسلسل بــــــــــــ:
1-اعتبار الصف الثالث الابتدائى سنة نقل وليست شهادة
2-اعتبار الصف السادس الابتدائى سنه نقل وليست شهادة (كده التلميذرايح اعدادى بدون اختبار حقيقى)
3-اضافة اعمال السنه للصف الثالث الاعدادى(كده تمكين للدروس والطريق للثانوية سلك)
4-الغاء الشهادة الثانوية ويعتبر جميع التلاميذ متسوون من يحصل على 50% مثل من يحصل على 99%
هيكون الاعتبار ب اختبار قدرات طيب اختبار القدرات هيخضع لاساتذة الجامعة اللى هما بيسقطوا اللى مبيعجبهمش شكله وكلنا عارفين ان فى مصر اى حاجة تخضع لافراد سواء بصورة منفردة او لجنه ايا ما يسمونها يبقى المحسوبية هى من تتكلم
ولا حول ولا قوة الا بالله.

دعني اختلف معك في كل ما قلته لان الغاء الشهادات اللي كانت عبارة عن سبوبة و نهيبة لمحترفي الكنترول فهذا شئ طيب لان اللي كان بيراقب في امتحان الصف الثالث الابتدائي هم نفسهم معلمين الفصل يعني من الاخر زيتنا في دقيقنا
انت بتقول التلميذ حيروح اعدادي بدون اختبار حقيقي يعني افهم من كدة ان اختبارات النقل مزيفة طبعا لا و انا اقر ان هناك تجاوزات من بعض المعلمين اللي أساءو للشرفاء و العملية التعليمية ككل بس اؤكد لك ان هذا التجاوز كان موجود و على اشده في الصف السادس لان في الاخر هناك طلاب لا ينجحون الا بالغش و انا عن نفسي بقالي اكثر من 7 سنوات ارفض خطابات الملاحظة في الصف السادس لان الغش في اللجان كان شغال على ودنه و بدون حياء و اذا اعترضت يبقى انت اللي وحش وشاذ عن القاعدة يعني باختصار الفساد ممنهج

و بالنسبة لاعمال السنة انا نفسي يلغوها تماما في كل المراحل حتى لا ينجح الا من يستحق النجاح


و بالنسبة لقانون الثانوية العامة الجديد فهو لم يقر بعد و حضرتك حكمت عليه فالفشل قبل ما تشوفه و من الغريب ان كل الاخوة اللي عالقوا على الموضوع عملوا مثلك فلا يجب ان نحكم على شئ لم يكن موجود اصلا ليكون الحكم عادل و تقبل تحياتي