اقتباس:
المشاركة الأصلية كتبت بواسطة أ/ سعيد موسى
اخى الفاضل عندما قام معلمى التربيه والتعليم العام الماضى بعمل اعتصام امام مجلس الوزراء
وقرر جموع معلمى الازهر فى المنتدى بالوقوف معهم فى اعتصامهم
ذهب ثلاثه اعضاء فقط احمد الجندى واحمد راشد وانا كنت معهم
ولذلك سوف تجد فى المنتدى عبارات ناريه
مثل نمتنع عن التصحيح ونمتنع عن المراقبه والذهاب الى المشيخه ..... الخ
مع بعض كلمات ناريه وصاروخيه واين حقوقنا مع جمل رنانه
وعند تحديد موعد لفعل اى شىء سوف تجد نفسك بمفردك
فين رجالتك يافرج ......... لن تجدهم ثم تجد بعض الردود على استحياء
المكان بعيد والسفر مكلف ... مفيش مواصلات .... كنت مشغول .... الخ
ثم نسكت وبعد كام يوم تجد واحد اخر ويقول نفس الكلام ونفس الفعل
وكل واحد يعتمد على التانى وهلم جرة .....
صدقنى لن تجد احد بجانبك غير من يجلس على الكيبورد وكتابه بعض جمل ودمتم
|
من اروع ما قرات فى المنتدى
تلخيص شامل لحالنا كازهريين فى بضع كلمات
اذكر مرة اتفقنا على وقفة امام المنطقة وكان الكلام زى الفل
والتليفونات شغالة وكل واحد اكلمه يقولى معايا ميكروباص
واللى يقوللى جاى ومعايا 3 ميكروباصات ... الخ
وقلت خلاص الرجالة جاية ولا ظلم بعد اليوم وبجهز كلمة للصحافة
وتحصل المهزلة تانى يوم
اقسم بالله العظيم لم يذهب سواى وزميل اخر
وفضلت مستنى لدرجة انى دورت عالناس فى القهاوى اللى جنب المنطقة
لكن للاسف لا شفت ناس ولا رجالة من اصله
قفلت تليفونى وبقيت كل ما حد يقولى وقفة ولا اعتصام بعد كدة اسيبه وامشى
احنا اقل من ان حد يبصلنا ولا يسمعنا اصلا
كله خايف يصرف خمسة جنيه فى مواصلة ولا فاكس ولا ..
لذلك قررت اكون سلبى واكبر دماغى زى الباقيين
بلا هم !!