[اسد اسد]

المشاركة الأصلية كتبت بواسطة ام ياسين وآمر

من غير اي مقدمات بس انا بعتذر عن عنوان الموضوع بس فعلا اكتشفت ان المدرس ملوش كرامه
النهاره كنت براقب علي عاليه قراءات وواحد قالولو يا حج عنده 56 سنه كان بيمتحن حديث وطبعا انا مش عاجباه عشان بقول لو سمحتو الصوووووووووت يا اهل الخير .


عمل ايه بقي الحج جمال قطع الورقه ورمي نصفها بره من الشباك والنصف التاني في وشي وجري في 30 ثانيه بره اللجنه وبره المعهد
الطبيعي ان رئيس اللجنه يعمل محضر بالواقعه الناس اتلمت وطبعا انا اللي بنت 60*70 ومحدش يقولي 4200. انا اللي استاهل انا سبتهم يغشو من الاول بس ازاي انهم مينقلوش من الكتاب انا غلطانه.
فين بقي كرامتي يا حضرات . انا طلعت من اللجنه او بالاحري طلعوني منها و دخلو الحج الساعه11 ومعاه كتاب الحديث وحل ياعم الحج حقك علي دماغنا .وبنت التييييييييت هيا اللي غلطانه . انا هتجنن من ساعه ما جيت ومعلشي انا فضفضت معاكو حقكو عليا دوشتكو وجت فيكو بس انتو اخواتي وانا متغاظه ولسه متغاظه.
لا خلاص هديت شويه

اختى الكريمة ام ياسين وآمر
اولا: انتى اعترفت انك غلطانة لانك سبتيهم يغشوا من الاول .
ثانيا : كل اللى بيهم رئيس اللجنة عندنا فى الازهر ان يخرج منها من غير مشاكل لانهم بكل بساطة جبناء وليس عندهم القدرة على مواجهة المشاكل والتصرف الصحيح فيها .
ثالثا : المفروض كنت انتى وزميلك او زميلتك فى اللجنة ان تحتفظوا بالجزء الباقى من ورقة الاجابة وتصرين على عمل مذكرة فى الشيخ المهزء اللى مفروض انه فى السن ده جاى يتعلم القراءات لاجادة القراءة فى كتاب الله ، وتعملى المذكرة رغم انف رئيس اللجنة .
رابعا : متتغاظيش انتى فى الازهر الذى كان شريفا ،قبل مشايخ الفتة .