بص يا استاذ عمرو اولا انا مبفتيش
ثانيا انا حتى لو كنت بفتي ف الفتي في السياسة افضل من الفتي في الدين
مثلا بالنسبة للاية اللي انت جايبها (فأضلوهم السبيل) لازم تعرف مين هما السادة والكبراء اللي اتكلمت عنهم الاية
السادة والكبراء هنا هم اللي ليهم الامر والفرض ويملكون ادوات الفرض يعني مثلا الحاكم بالنسبة للمحكومين
او السيد بالنسبة للعبد
وهديك مثال في الحتة دي لو المفتي طلع فتوى والفتوى دي غلط والشعب خد بالفتوى يبقى هنا الوزر الاكبر على المفتي لانه ولى امر الشعب بالنسبة للدين لكن لو واحد عادي في الشارع طلع فتوى وانت خدت بيها يبقى الوزر عليك وعليه
يعنى في حالة المفتي نقدر نقول ان المفتي (أضلك السبيل) لكن في الحالة التانية انت (ضللت السبيل)
وده فرق كبير
والفتية الكبيرة بتاعتك بقى (
قال ابن زيد في قوله ( إنا أطعنا سادتنا وكبراءنا ) قال : هم رءوس الأمم(الذين معهم المال والجاه) الذين أضلوهم(عامه الشعب والفقراء.)
في انهي كتاب تفسير جت الجملة دي !!
اللي اعرفه واللي قريته في كتب التفسير ان سادتنا وكبرائنا هم اصحاب الفرض والنهي وده باكتر من شاهد
لكن مسمعتش ومقرتش والشيخ بتاعى مقاليش ان ابن زيد قال (اصحاب الجاه والمال)
ونص ما قاله ابن زيد من تفسير الطبري
حدثنا بشر قال : ثنا يزيد قال : ثنا سعيد ، عن قتادة قوله ( ربنا إنا أطعنا سادتنا وكبراءنا ) أي : رءوسنا في الشر والشرك .
حدثني يونس قال : أخبرنا ابن وهب ، قال : قال ابن زيد في قوله ( إنا أطعنا سادتنا وكبراءنا ) قال : هم رءوس الأمم الذين أضلوهم قال : سادتنا وكبراءنا واحد . وقرأت عامة قراء الأمصار ( سادتنا ) وروي عن الحسن البصري ( ساداتنا ) على الجمع ، والتوحيد في ذلك هي القراءة عندنا لإجماع الحجة من القراء عليه .
السادة هم الرؤوس وتاويل الرؤوس هنا اي السادة والحكام واصحاب النهي والامر وده باتفاق جمهور العلماء
وياريت متحاولش تجيب ايات من القرأن انت متفهمش معناها ومتزودش اجزاء من عندك على التفسير
لان انا حافظ القرأن ماعدا اجزاء قليلة (ربنا ييسرلي واخلصهم)
قاري كتب تفسير اكتر من مجموع الكتب اللي انت قريتها في حياتك كلها