اليوم الحمد لله صليت الفجر ونمت وحلمت بعدها اللهم اجعله خير (آميين)
اني عند عمارة خالتي وواقفه على باب العمارة وجت والدتي بتقولي روحي جوزك عايزك جوه كلميه
دخلت من على باب العمارة لقيت جوزي خارج من شقة خالتي وداخل الشقة اللي جنبها وبشاورلي وهو مبتسم تني ادخل معاه علشان هيفرجني حاجه
ولما دخلت لقيت في غرفة موجود كلب مش واضح شكله قوي بس مفسره انه كلب ولما سالته بتاع مين قالي واحد صاحبي ساباه معايا وهيجي ياخده
ولما خرجنا من الغرفة الكلب فجأه لقيته بيجري عليا ولاني بخاف من الكلاب ندهت جوزي بس الكلب كان جه وحط ايدي الشمال في فمه من عند راحة ايدي
بس ولا عضها ولا حسيت بلعابه المهم ان جوزي بدأ يشاورله ينده عليه لحد ماراح عنده.
ممكن تساعدوني بالله عليكم في تفسيره لان الحلم قالقني جوزي مايعرفش بيت خالتي ده ولا راح هناك خالص وكمان كان في مشاكل كتير بيني وبين جوزي
بس الحمد لله بنحاول نحلها ونمت النهارده بعد ماسمعت موقف سيئ من واحده ارادت بيا سوء في ان تاخد جوزي مني
|