اقتباس:
المشاركة الأصلية كتبت بواسطة روان عبد الله
يتهيألى مش هيحصل حاجة عند إضافة حمض الاسيتيك ,, لأن الاتنين احماض !!!
أما بالنسبة للميثانول ممكن بردو ميحصلش حاجة ,, لأن المفروض اللى بينفصل من الكحول (h ) و اللى بينفصل من الفينول بردو ( h ) يبقى مفيش تفاعل !!!! و الدليل ان في تفاعل تكوين زيت المروخ بتفضل مجموعة الهيدروكسيد كما هي !!
دي تخمينات طبعاً !!
|
الميثانول أظنها كدة برضة
لكن بخصوص حمض الخليك دى الى أنا شاكك فيها جداً
من ناحية هم الأثنن أحماض .. فهم أحماض فعلاً و دى بتخلينى أفكر إن مش هايحصل تفاعل
لكن فى نفس الوقت حمض السالسيلك تفاعل مع حمض الأستيك و كون الأسبرين .. و ساعتها الى دخل فى التفاعل مجموعة الهيدروكسيل الى موجودة فى الفينول برضة ! يعنى زى ما الساليسيلك تفاعل مع الأسيتك لوجود مجموعة الهيدروكسيل يبقى ليه الفينول مايتفاعلش مع الأسيتك لوجود مجموعة الهيدوكسيل !
فأنا بصراحة متردد جداً بين الإجابتين