اقتباس:
|
مين كان حلمه يدخل تجارة او حقوق او زرعة كله حلمه يدخل كلية من كليات القمة
|
انا مش قصدى تجارة و زراعة و حقوق طبعا انا قصدى مثلا اقتصاد و علوم سياسية بجد جامدة و من 96 و قصدى اعلام و السن و علاج طبيعى و طب بيطرى بأى رهيييب رغم ان انا مش مقتنعة بيه اوى بس بيشتغلو بسرعة و اى حد يدخل علوم و يبدع فيها ممكن يبقى احسن من صيدلى انا واحد قريبى متخرج من صيدلة بيشتغل فى شركة ادوية و معاه واحد فى نفس الشغل و نفس المرتب و نفس كل حاجة و هو متخرج من علوم كيمياء . و لو حاجة بأى فى السياحة او الادارة و كدة هتبقى جامدة . و بعدين زراعة دى احنا فعلا فاهمينها غلط عشان اسمها مش عاجبنا لو فكرنا شوية فيها هنعرف انها مش وحشة اوى كدة بس هى امكانياتها ضعيفة فى مصر
و بعدين انا لو ندمانة على حاجة واحدة بس فى حياتى هتبقى ان انا كملت احياء يعنى مالها هندسة بترول و هندسة طيران و هندسة اتصالات بس ازاااى بدام جبتلى درجتين زيادة لازم كل اللى يشوفونى ازيك يا دوكتورة عشان طبعا مش معترف غير بدكتورة دى
و عامة مفيش حد حياخد اكتر من اللى مكتوب له و كل اللى يجيبه ربنا كويس انا عمرى ما تخيلت ان انا ممكن اقول الجملة دى
معدتش فارقة لان طول عمرى اى حاجة و لو صغيرة خالص بتفرق معايا اجى دلوقتى و اقول على مستقبلى معدتش فارقة ؟ انا مش متصورة ان انا بقولها كمان و انا مقتنعة لان انا عملت اللى عليا و ربنا مش بيضيع مجهود حد
بس ان شاء الله هدخل صيدلة يااااارب
و ان شاء الله كل واحد يدخل الكلية اللى عايزها و بعدين بلاش تشاؤم دلوقتى .. سيبتو ايه ليوم النتيجة ؟ :D