اقتباس:
المشاركة الأصلية كتبت بواسطة احمد ميدو ميدو ميدو
اساتذتى الافاضل ممكن تنصحونى خطوات التفوق فى الفيزياء والحصول على الدرجة النهائية علشان احنا هندخل 3 ثانوى ان شاء الله
|
بص متحولش انك تحفظ اى حاجة فى الفيزيا --- لازم تفهم كل كلمة فيه --- والمدرس اللى يقولك احفظ الحتة دى دى حفظ --- سيبه وروح عند واحد تان لأنه مش عارف يشرحها فبيقولك دى حفظ
واللى تاخده تذاكره وتحل عليه كتير وتجيب كتب خارجية وتحل وابعد عن الكتب الصعبة اللى ملهاش لزمة لأن فيه كتب صعبة جدا وهمها انها تعقد الطالب وتحسسه انه مش بيفهم حاجة
كل يوم حل مسائل كتير ولم تخلص المسائل حلها تان
لم تخلص المنهج وتخلص مراجعة كمان مرة فى يومين تلاتة كدا تبدأ تحل امتحانات كتيييييييرة اووى لحد ما تخش الامتحان تحل امتحانات ودا يديك دافع ان المادة سهلة لأن الامتحانات بتيجي سهلة اخر حاجة
راجع الوحدات مع حل الامتحانات والله الفيزيا سهلة
انا بقولك ان الفيزيا دى اسهل من العربي بكتير "" المهم تحل مسائل كتير كل يوم وتفهم النظري وكل يوم تراجع النظري بفهم مش بحفظ ""
والانجليزي بتاع سنة تالتة اسهل بكتير عن بتاع تانية والقصة الجديدة سهلة جدا بس كل دا محتاج مراجعة كل يوم مراجعة كتير
انت لازم تذاكر كتير بس ذاكر بفهم مش عمال تحفظ وخلاص لأن والله الحفظ دا ملوش لزمة
افهم اللى انتا بتحفظوا عشان يسهل يخش دماغك وميخرجش
والرياضيات سهلة برضو بس محتاجة حل كتيير --- ومتشتريش كتب خارجية --- خليك فى كتب الوزارة --- عكس الفيزيا " كتاب الوزارة بتاع الفيزيا زبالة جدااااا ومبيجيش منه حاجة فى الامتحان هههههههههه الا قليل ""
اكتفي بحل كتاب المدرسة بتاع الرياضيات -- ودليل التقويم بتاع الرياضيات ولم تخلصهم تحلهم تاني ومتسيبش مسألة "" أى مسألة حتى لو كانت هايفة "" .... دليل التقويم فيه اختر واكمل وحاجات هايفة كدا -- حلها كمان
انت مش في حاجة انك تشتري كتب خارجية فى الرياضيات لأن كتاب المدرسة ودليل التقويم فى المادة دى روووووووعة ومستحيل يطلع مسألة برة كتاب المدرسة
وركز على المسائل المحلولة فى الكتاب المدرسى بتيجي منه فى الامتحان
وبالنسبة للعربي أسهل من عربي سنة تالتة وقصة طه حسين اقراها كتير وهي اسهل من قصة سنة تانية
من الاخر سنة تاالتة اسهل من سنة تانية بس محتاجة مذاكره وكمان عايزة فهم مش حفظ كلام وخلاص