اقتباس:
المشاركة الأصلية كتبت بواسطة yoyo3455
السلام عليكم
اولا الف مبروك و عقبال الامتياز فى كلية هندسة
ثانيا ا نا طالبة ثانوى و ناوية ان شاء الله ادخل علمى رياضة
ممكن بس تقولى على نصايح خلاصة الخبرة يعنى
و ايه افضل الكتب الخارجية و كده
|
الله يبارك فيكي
يااا رببب يسمع من بوقك ربنا
بالنسبة للكتب الخارجية انا كنت بجيب لامي في الرياضيات بس في رياضة 1 كنت بحل من المعاصر .. و الامتحان في الفيزياء و الكيميا .. الانجليزي حاجات نجلاء بسس و اخر السنة بجيب اي كتاب مراجعة نهائية
و العربي المدرس اللى باخد معاه كان اسمو مصطفى فريد كان الواجب بتاعة و الملازم بتاعته كفايه زيادة .. كان مطلع عينا
و في الرياضة المستر كان بيجيب حاجات من على النت من دول تانية بس تخص منهجنا يترجمها و يديهلنا نحلها و بيجي منها حاجات كتير ... تقريبا امتحانات الرياضة السنة دي منقول من ملازمة
اسمو ماجد حسن .. حاولي تفتحي النت تشوفي اسئلة جديدة يعني
عامة انا كنت باخد درسين فيزياء مش واحد .. مقتنعتش بمدرس فيزياء لوحدة .. طلع عيني اه بس فعلا جيت على اخر السنة المادة الوحيدة اللى مطمنلها تماما الفيزياء ... اهم حاجا تكوني مقتنعة بالمدرسين اللى بتخدي معاهم و عرفه انهم محل ثقة من قبل كدا .. هتلاقي نفسك بتريحي اوقات بس لازم تلحقي نفسك عشان متريحيش خالص و السنة بتجري بسرعة عامة
يا ريت اكون قلت اي حاجة مفيدة