[عيوشة]

السلام عليكم ورحمة الله وبركاته
أخي الفاضل : كلية تجارة إنجليزي لها تنسيق خارجي مثل باقي الكليات
و لها تنسيق داخلي خاص باللغة الإنجليزية
يعني ممكن تكون جايب مجموع كويس في الدرجات و لكن مجموع اللغة الإنجليزية لا يؤهلك دخول الكلية
هي بجد كلية ممتعة جدا
بس إللي هقولهولك ده مش معناه أني بطفشك منها أو حاجة
بس أنا خريج تجارة إنجليزي المنصورة بتقدير عام جيد// عام 2009
و معايا 2 دبلومة خاصة من oxfordو دبلومة في المراجعة
ده غير شوية كورسات icdl على peachtree على oracle developer على HR
و شوية كورسات تانية مش فاكرها
و كل ما آجي أقدم فس شغل حكومي يقولي أنتم مرتبتكم بتبقى أعلى من التجارة العادي مش هينفع نشغلك علشان الدولة عاوزة توفر
من الآخر يا إبن الحلال لو معاك واسطة بعد ربنا قدم و توكل على الله بس إعمل إستخارة أول
لو معكش واسطة يبقي مخاطرة كبيرة لأن مصاريفها عالية و ممكن تطلع تشتغل في سوبرماركت أو محل عادي أو تسافر بره براتب عادي جدا