دي رسالة للاستاذ رضا
جوجل إيرث تكشف الاعداد الحقيقيه للمتظاهرين في 30 يونيو - العضوة مرررووه هي صاحبة المشاركة
السلام عليكم ورحمة الله
اعتماداً على جوجل إيرث وعلى مساحة ميدان التحرير والمناطق المحيطة بيه حنشوف عدد متظاهري الأنقلاب في حدود كام ،،،
إذا افترضنا أن كل متر مربع ممكن أن يحمل 4 أشخاص (ودا في حالة الكثافة العالية للمظاهرات و التجمعات) وبالتالي لو ضربنا الـ 50 الف متر مربع في 4 = 200 ألف شخص ، وطبعاً دا تقدير عالي ومبحبح لأننا زي ما احنا شايفين مدخلين أجزاء زيادة في المساحة المحددة (الدائرة الصفراء في الصورة)
ولو افترضنا اننا عايزين نرسم دائرة تمثل مساحة تحمل مليون شخص في ميدان التحرير ، حتكون بالشكل دا :
(250 ألف متر مربع في 4 = مليون شخص)
هي دي المساحة اللي لو احنا شلنا المباني وحولناها لمنطقة فضاء ووقفنا فيها الناس بحيث أن كل 4 يوقفوا في متر مربع ، في الحالة دي فقط سنحصل على مليون متظاهر موجودين في ميدان التحرير !
دلوقتي حنشوف لو كان ميدان التحرير مليان عن آخره والمنطقة المحيطة بيه والشوارع المطلة عليه كلها مليانه وكل كبري قصر النيل مليان ، حنشوف كم ممكن يكون العدد :
المساحة دي كلها تساوي 97 ألف (خلينا نخليهم 100 ألف) ،،
معنى كدا أن المنطقة دي كلها لو كانت مليانه وفل بالمتظاهرين حيكون عددهم :
100 * 4 = 400 ألف متظاهر (خلينا نبحبحهم كتير ونقول 500 ألف متظاهر)
يعني ميدان التحرير بالمناطق المحيطة بيه بكبري قصر النيل لأخره في أكبر المظاهرات حشد مستحيل تتجاوز نصف مليون متظاهر ، وحتى الرقم دا مبالغ فيه ..
طب خلينا نفترض أن في جميع محافظات مصر كان فيه زي اللي في التحرير يعني 500 الف وبدا حيكون العدد كله مليون
بلاش خلينا نفترض أن في جميع محافظات مصر كان العدد مليون ، يعني العدد كله حيساوي مليون ونصف
بلاش كمان ، خلينا نفرط في الإفتراض ونزود مليون ، يعني مليونين في جميع المحافظات ونصف مليون في التحرير = مليونين ونصف
ياعم بحبحها وخليها 4 مليون !
طب والله مش حردكم وحخليهم 6 مليون !
وبالتالي يكون فيه 6 مليون واحد على الأكثر اسقطوا ارادة حوالي 50 مليون ليهم حق الأنتخاب ، وبالتحديد أسقطوا أصوات 12 مليون واحد انتخبوا الدكتور مرسي !!
لو حضرتك كنتي معارضة ومقنعكيش الكلام دا واللي أقنعك بس كلام الصحف اللي بتخمن العدد 33 مليون ، فلازم ولابد تكوني منصفة وتقتنعي كمان بكلام الصحف اللي قدرت عدد المتظاهرين في جمعة الزحف بـ 40 مليون متظاهر ، واللي قدرت عدد المتظاهرين في القاهرة وحدها بـ 12 مليون متظاهر زي الـ bbc :
ودا الفيديو اللي يشرح الحسبة اللي فوق :
____________________________________
حاجة مهمة كمان ، القنوات اللي نقلت صور المتظاهرين في 30 يونيو ، عرضت صور للمؤيدين حول وخلف مسجد رابعة العدوية على أنها للمعارضين ، ودي منها :
ودا الفيديو اللي بيوضح :
وعشان كدا مظاهرات الشارع وصور الهيلوكبتر مش مقياس في أي من دول العالم المتحضرة لمعرفة آراء الناس وأختياراتهم وخصوصاً لما يكون قصادها مظاهرات مثلها أو اكير منها مهمشة ، والمقياس الحقيقي هي صناديق الأنتخاب واللي بتصب في صالح الدكتور مرسي ، ولو تفتكروا ايام التصويت ع الدستور لما المعارضة حشدت وحشدت وحشدت وقالوا الشعب رافض للدستور وآخرها الشعب اداهم ع قفاهم وكانت النتيجة 64 % نعم !
فبلاش تتكلموا باسم الشعب
الموضوع منقول للامانة
__________________
(يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلا تَمُوتُنَّ إِلَّا وَأَنْتُمْ مُسْلِمُونَ)
|