[محترف الأدسنس]

المشاركة الأصلية كتبت بواسطة 3olomgy

انا من صغرى بحلم بالعلم
وانا فى ابتدائى كنت عايز ادخل علوم عشان اكون عالم فلك زى كارل ساجان
لما دخلت اعدادى بدأت اتأثر بافكار الناس ...لازم تكون يا مهندس يا دكتور ؛ رحت سائلهم هى هندسة دى بتدرس ايه قالولى رياضة وفيزيا..طبعا ما صدقت لان انا كنت بعشق الرياضة و لازالت بعشق الفيزيا
فضل الهدف فى دماغى اثناء ثانوى بردو بس تشاء الاقدار انى ادخل علوم وانا الحمد لله سعيد جدا بده وحاسس براحة بال و يوم بعد يوم حبى للعلم وللكلية بيزيد
بالنسبة لهدفى فانا زى ما قلت كان نفسى ابقى عالم ...مؤمن اوى بالمقولة اللى بتقول ( هناك شىء واحد فقط صالح وهو العلم وهناك شىء واحد فقط طالح وهو الجهل ) .. شايف ان العلم هو الطريق الوحيد لاى تقدم او حضارة وعشان كده هدفى اصبح اسمى وابعد ..هدفى انى انشر العلم بين العامة ؛ اخرج الفيزيا من المعمل واخليها بين الناس .؛.فى الجامع ..فى الكنيسة..ع القهوة ..فى التليفزيون ؛ زى بالظبط ما اوروبا وامريكا عملوا ووصلوا العلم لحد السينما وابدعوا فى افلام الخيال العلمى ...نفسى الكتب العلمية تبقى فى ايد الناس كلها مش حكر على الناس اصحاب النضارات فقط.
عارف انى موهوم وان فيه ناس لمجرد سماع كلمة فيزياء او تكامل بتتخض او تتريأ ويكفى انى لما بقول لحد انى فى علوم بيبصلى نظرة شفقة وبيتعامل معايا على اساس انى فى مصيبة ويدعيلى بالنجاة
المهم كل اللى هعمله انى هسعى لهدفى بغض النظر عن الناس لانى مؤمن بيه اشد الايمان
بالنسبة لطريقة تحقيق الهدف فانا مش عارف هحققه ازاى ..بس ممكن الاول احقق ذاتى واكون عالم كبير - وانا اقدر على كده رغم السكة الطويلة - وبعدين اكون ثروة وبعدين افتح بالثروة دى مركز علمى كبير او جامعة خاصة بالعلوم فقط وتكون باجر رمزى ومالهاش شروط...ربنا يوفق
شكرا ع الموضوع

حينما تبدأ طريقا جديدا وتجد نفسك فيه لاتجد فيه صعوبة تذكر

بل إن كل إشارات المرور تشير إلى قرب محطة الوصول

فإن ذلك حافزا لك على اكمال الطريق.....ولكن احذر !!!
احذر التراخي الكسل

احذر بعض الاشخاص المتكاسلين الذين اقصى همهم هو تثبيط العزائم

احذر سارقي النوايا والعزائم ....استعن بالسرية التامة في كل ما تفعل.......اعلم أنه ضد المبادئ البسيطة

ولكن في بلادنا لايوجد مبدئ لدى الفئة التي اسمها ما شئت فهي الطبقة المتعفنة من المتجتمع

ليس من المهم أن تملك مالا لتملك عقول الناس .....

فقط افعل كما كان يفعل العلماء في كل زمان

علم الناس ما هو هذا العلم افتح خزائنه التي نسي الناس مفاتيحها إلى أمد غير مسمى....

الناس في بلادنا لاتبحث عن التعليم قدر ما تبحث عن المادة ولذلك اجعل المعنوي بالنسبة للناس أعلى من المادي......
صدقني ممكن بين اصدقائك تتكلم عن فضل العلوم المختلفة ........يمكن في الاول تلقاهم

بيقولوا...فيلسوف ....عامل نفسه عالم بكلمتين.....لكن في النهاية مرة بمرة ستجدهم يخالطونك ويجادلوك
هي الامور تأتي بالسياسة لاشئ يأتي عفوا أو صدفة......

الذي ينتظر الصدفة كمن ينام ليصبح تحت وسادته ذهبا!!.........

اتمنى لك التوفيق.........