تقديم الرغبات بكرا ،،، عايز دفعة معنوية ارجوكم
السلام عليكم
انا اخوكم محمد خلصت ثانوية السنة دى و من سنة تانية و انا نفسى فى حاسبات ،، المشكلة انى اتشطرت اوى و جبت 96% و المجموع دا ممكن يدخلنى هندسة بس انا مش عايزها
المشكلة ان العيلة كلها عايزانى ادخل هندسة ،،، سألت 100 واحد و ال100 واحد قالولى ادخل هندسة مش عارف اعمل ايه ؟؟
انا ميولى للكمبيوتر من و انا صغير و اخدت دورات برمجة c# و c++ و برمجة شبكات و ميال للكمبيوتر و التقنيات و حاسس انى هتفوق فيها بس الناس كلها خوفونى منها و قالولى ان حاسبات هتتعبنى فى الشغل و هتركن ع الرف لغاية ما تجينى وظيفة لكن هندسة مستقبلها مضمون
يا ريت اى حد يدينى دفعة معنوية لأنى مش لاقى حد يشجعنى ع الحاسبات ... يا ريت اى حد بيشتغل او يعرف حد خريج حاسبات بيشتغل يقولى و يطمنى و يشجعنى
التقديم بكرا ،، ارجوكم اى كلمة تشجعنى ... اى حد يعرف حد خريج حاسبات و بيشتغل يقولى ... انا خايف يكون كلامهم صح و اتعب فى الكلية و فى الآخر مشتغلش
ربنا يكرمكم يااااااااااااااا رب و شكرا على تعبكم معايا
|