[كيميائي طبي2011]

المشاركة الأصلية كتبت بواسطة sala

طب ممكن اخد رأى حضرتك فى حاجه عشان انا باحترم رأيك جداا
طب انا بقى واحده فى علوم زى حضرتك ... بس انا عمرى ماحبيتها ولا عارفه احبها

ماهو يعنى ازاى اكون فى اصعب كليه موجوده وبيطلع عينى فيها بمعنى الكلمه ...
وداخلاها كمان بمجموع 96.5 !!!...

وفى الاخر الاقى ان كل طلابها بيكرهوها ويشتموا فيها ويلعنوا حظهم اللى دخلهم الكليه دى ...
حتى المعيدين والدكاتره محدش عارف يحببنا فيها ..

اخرهم يقولوا لينا (هى علوم كده .. عجباكوا كملوا فيها .. مش عجباكوا .. حولوا منها !!!!!)
بذمتك فى معيدين ودكاتره كده ؟!

لا واييييييه يأكدوا لينا ان مستقبلها زفت
ده بالنسبه للجو الكئيب اللى فى الكليه .. اللى يكره اى حد فى الكليه دى مهما كان داخل حببها...

بالنسبه للناس
الناس عارفه كويس اووووووى ان دى اصعب كليه وطلابها بتمرمطوا .. ومع ذلك اما يعرفوا انك فى علوم ..

بدل مايحسسوك بتقديرهم واحترامهم ليك ع التعب اللى بتتعبوا ... لا ماتخدش منهم غير نظرات شفقه ع
حالك المنيل ده .. واحيانا عتاب انك انت اللى عملت فى نفسك كده !!!

وانا اصلا ماكنتش داخله علوم الا لما سمعت عن موضوع انى افتح معمل وبتاع
(غير كده ماكنتش هادخلها )

وحتى دى .. لما دخلت الكليه وسألت فى الموضوع ده
كتيييييييييييييير اووى اكدولى ان فتح المعمل ده قليل اما بينجح ومعامل كتير بتقفل

ليييييييييييييييه ؟؟
لان ببساطه الناس بتفضل تروح لمعامل كبيرة ومعروفه زى المختبر .البرج .كايرو لاب

لانها معامل موثوق فيها
او تروح لمعامل المستشفيات نفسها اضمن

لكن المعامل الخاصه دى بتحتاج سنين عشان الناس تثق فيها وتشتهر
وده يااما بيحصل يااما لا فتقفل المعمل وتقعد فى البيت

وانا يادكتور احمد من الغبااااااااء انى اعلق مستقبلى وشغلى كله على حاجه ياما تنجح يا اما لا
ومن ساعتها جالى كره فظييييييييييع للكليه

وماتقوليش طب ماتروحى انتى تشتغلى فى المعامل الكبيره دى ..... اه ممكن اتدرب فيها مؤقت .. لكن ميبقاش ده هو شغلى الاساسى لان مكناش ده حلمى ابدا ولا هدفى من دخول الكليه

لانى كان نفسى اكون دكتوره فى معملى .. غير انى مش ضامنه ابدا الاقى في المعامل دى شغل
ماهو طلاب علوم على قفا من يشيل وكلهم عايزين يشتغلوا فى معامل

رأى حضرتك ايه فى كلامى ؟؟؟ عشان انا نفسى اوى احول منها
وانا اسفه انى طولت اووووووووووى كده

اعملي للي عليكى وسيبي الباقي علي ربنا ولما تيجى تفتحى معملك
اختاري مكان كويس طبعا بعد ما تاخدى الدبلومه او الماجستير في التحاليل
تظبطى المعمل بتاعك باجهزه كويسه وممرضه كويسه
وانتى بتروحى معملك ساعتيين العصر وساعتيين بليل
لان مهمتك هي انك تشخصي تشخيص معملي يعنى عن طريق التحاليل تعرفي عند المريض ايه بالظبط