شوف يا سيدى
اناكنت مسافر 2001 على مدارس خاصة و لماروحنا نقدم الورق قالولنا روحوا معمل تحاليل خاص و حللوافيروسعلشان الورق يبقى جاهز روحناوقولنا عايزين نحلل قيروسات السعودية عمللولنا فيروس سسي بس وديناالورقة للشركة قالوا كله تمام
و امتحنا و اتقبلنا و بنجهز فى الورق طلع فيروس بي ايه ده يا جماعة قالوا هو كده
الدنيا اسودت فى وشي و كنت خاطب اياميها مراتى اللى معايا دى روحت افسخ الخطوبة رفضواولادالايه - شفت النحس - بهزر يا اخى
المهم روحت لدكتورفى المنصورة اسمه اشرف ابو الفتوح بس ايه غول فلوس لازم التحاليل تكون عنده و مش عارف ايه يعنى الجلسة عنده كانت اياميها ب 400 جنية لقيته كاتبلى ادوية كلها اسمها " ليفر سبورت " ونظام غذائى و تاكل ايه ومتاكلش ايه فيلم يعنى و لازم تيجي كمان شهر
روحت جيبت العلاج و كان :
ليفر البيومين - ليفيرين - بايونل - زيت كبد الحوت -مقويات اسمها ايفر جرين و حبوب تخسيس اسمها فاتشي علشان امتصاص الدهون
انا جبت العلاج من عند صيدلى صاحبي قالى بص يا ابنى دى كلها مقويات للكبد خدهاو متكررهاش ملهاش لازمة
خلص الشهر ومرحتش للدكتور ليقيته بيتصل بيى مجيتش ليه اقولتله مشجى اناكده كويس لازم تيجي لا مش جى ومرحتش
زمايلى قالولى على دكتور تحاليل له فى الفيروسات دى روحتله لقيته ميكانيكي عملت تحليل اجسام مضادة عندة و كاتبلى حبوب اسمها انتوكس مضادة للاكسدة و فوار سليمارين روحت لصاحبي الصيدلى قالى عادى مبيضروش
قعدت سنة كل ما العلاج دايخلص اعيده وكنت بصوم اتنين وخميس و مرت سنة
و فى الصيف جالى مراقبة فى المنوفية كنت منتدب دبلوم صنايه رايح الدبلوم يوم وهركب منعندنامن المحلة لقيت اتوبيس بيقول القاهرة نطيت فيه وروحت المعامل المركزية حللت السعودية و بعد اسبوعطلعت النتيجة تمام مفيش فيروسات
نزلت القاهرة و نسيت الدبلومو كل حاجة و لفيت القاهرة من الشرق للغرب و الحمدلله رسيت السنة دى بعد كل اللف على الشركات و سافرت تبع مكتب التوظيف السعودى بدونواسطة و لا حاجة
و سافرت و لماوصلنا هناك لقيناهم بيقولوا لازم تروحوا اللجنة الطبية و تعملوا كشف طبي علشان الاقامة وكان من ضمنها تحليل الفيروسات و طلعت النتيجة عندى " ويكلى بوزيتيف " يعنى موجود بس ضعيف قالولى خلاص كل ست شهور تيجي تعمل بي سي آر و من يومها لحد دلوقتى تعداد الفيروس 1040 الفواربعين بس
شفت بقى ربنا بيعمل ايه
قال - صلى الله عليه و سلم
إن جبريل ألقى في روعي أن أحدا منكم لن يخرج من الدنيا حتى يستكمل رزقه فاتقوا الله أيها الناس وأجملوا في الطلب فإن استبطأ أحد منكم رزقه فلا يطلبه بمعصية الله فإن الله لا ينال فضله بمعصيته .
|