اقتباس:
المشاركة الأصلية كتبت بواسطة casper 17
اولا موضوع اكثر من ممتاز وانا والله بدعيلك بالتوفيق لانى نصائح حضرتك كنوز وزى مابيقولوا الخلاصة او البهاريز 
بس هو استفسار اخير
انا ان شاء الله داخل 3 رياضة على النظام الجديد ومش خايف ومتشجع
بس المشكلى الكبييييييييرة اوى توزيع الدرجات
يعنى العربى 100 درجة وده عاملى ررررررررررررررررررررررررررعب لانى بقفل كل الفروع الحمد لله بس التعبير بيهد كل مجهودى
والانجلش عليه 75
والكميا والفيزيا والاحياء ورياضة 2 مع انهم نص منهج كل مادة 75 فانا مش عارف هيوزع الدرجات فى الورقة ازااااااااااااااااااااااى يعنى مثلا المصطلح هيكون عليه درجتان والمسائلة 5 درجات
فهل حضرتك شايفه انى هناك فرق فى تكنيك التعامل مع المواد بما ان الدرجات زااااااااادت جدا ووقت الامتحانات زى الظام القديم
انا شايف ان النظام الجديد عليه علامات استفهام كتير
ارجو الافادة وربنا يوفقك ويسهلك الصعب
|
ربنا يعينكم علي النظام العجيب ده
بس هم لازم ينزلوا مواصفات الورقه بس طالما الوقت واحد يبقي اكيد الدرجات المخصصه للسؤال هتزيد
بالنسبه للتعبير والعربي وكده انا سنه 3 ثانوي كنت مقفله المواد كلها وجيت نقصت درجه ونص تعبير زي ماتقول كنت بستفتح
يعني بصراحه كتر خيره علي الدرجه ونص الواحد مكنش عاجبه اللي كان بيكتبه في تعبير السنه دي
التعبير بقي طالما اصبح عليه درجات اكبر فهتضطر اسفا انك تعبره اثناء الدراسه عدل بمعني الزق لمدرس لغه عربيه يكون طيب كده وصبح عليه كل اسبوع بموضوع من مواضيع الامتحانات //مش الفكره انك تجيبله موضوع والسلام الفكره انك تطبق قواعد النحو والاملاء وتشوف مستوي اسلوبك عامل ازاي
الانجليزي بقي شدوا حيلكم فيه الصراحه لما كانت المواد في نظامنا علي بعضها كده كتله واحده كانوا بيتظلموا //اقصد العربي والانجليزي // بس حقيقه توزيعه درجاتكم تستحتم عليكم انكم تفروموهم يعني روح لمدرس كويس يكون ضليع في الانجليزي سمعته حلوة في درجات اللي خدوا معاه حل كتير يعني بصراحه شايفه مبدا احترم الماده تحترمك النظام الجديد متخافوش منه الخوف المرضي اللي يمنعك انك تبدع بمعني زاكر ثم زاكر ثم موت نفسك مزاكره ولما ترد فيك الروح زاكر تاني هي سنه واحده وتدخل الجامعه
وهندفنك فيها
اقصد السنه دي اللي هيخاف سيكولوجيا هينام وهيلاقي امراض الدنيا كلها لمت عليه وهو كان زي الفل العامل النفسي مهم فعشان كده بقولك زاكر زاكر زاكر زاكر وروح امتحن و بعد الامتحانات ابقي فكر انت عملت ايه ولا تنسي زكر الله باستمرار والدعاء لان والله والله امر ربنا بيحصل مهما كان
اي حد يعوزني لا يتردد في التواصل معايا
وبالنسبه للدكاتره الجداد برده في انتظار التواصل معكم //
مرحبا بكم
واللي هيجيلنا طب عين شمس
يدخل برجله اليمين برده في انتظار التواصل معاه
وفقكم الله سبحانه وتعالي