[Bio_94]

Bio_94 ارسل تقريرا عن مشاركة.

السبب:

أعتذر انا صاحب الموضوع عن وجود معلومات غير صحيحه في موضوعي وارجو حذفه وعند التأكد من المعلومات الصحيحه سأقوم بكتابته مرة اخرى بمعلومات صحيحه شكرا لتعاونكم ..

المشاركة: هاااام : قسم تقنية المعلومات الحيوية Bioinformatics
المنتدة: كليه الحاسبات والمعلومات
المراقبين: غير معروف

أضيفت بواسطة: Bio_94
المحتوى الأصلي:

بسم الله الرحمن الرحيم

قسم تقنية المعلومات الحيوية هو قسم بيجمع ما بين البرمجة و الاحياء وازاي نستفيد من البرمجة في علاج امراض معينة او التعامل مع ال D.N.A من الاخر هوا علم متقدم جدا ظهر في اوائل القرن الحادي والعشرين و مصر ليها الرياده انها تكون اول دولة تهتم بالمجال ده في الوطن العربي ( اسرائيل بس هيا الدولة الوحيدة ف المنطقة اللي مهتمهة بيه )

اولا : القسم ده تابع لكلية الحاسبات والمعلومات جامعة عين شمس يعني لازم تكون مرشح انك تتدخل الكلية وبعد كده تشوف هتدخل القسم او لأ .. ومينفعش التحويل ليه من كليات تانيه يعني لازم برضو تحول لحاسبات عين شمس الاول وبعد كده تروح القسم ده طبعا بعد سنه أولى التحويل بيكون استحالة يعني الناس اللي كانو معاك ف اولى هما الناس اللي هيفضلو معاك ل رابعه ان شاء الله

ثانيا : القسم ده الوحيد في الكلية اللي شغال بنظام الساعات المعتمده ( credit hours system ) وعشان تاخد درجة الباكالوريوس لازم تكون ناجح ف 177 ساعه معتمده .
* ناس كتير ممكن تسأل يعني ايه ساعة معتمدة ؟ ساعه معتمده يعني عدد الساعات الاسبوعية في مادة معينة يعني مثلا : مادة الBiology بتكون محاضرتها ساعتين اسبوعيا يبقى الماده دي بساعتين وهكذا على بقية الكورسات ( المواد ) ..
وانتا ممكن توزع الكورسات براحتك لكن الكلية ربنا يخليهالنا موزعاها لكل ترم حوالي 18 ساعه الا ف تالته بتكون 21 ( ارخم سنه ) يعني هتتخرج بعد 4 سنين بالظبط من دخولك القسم

ثالثا : نيجي للحساب بقى
الساعة المعتمدة دي بتكون ب 385 جنيه دي اخر دفعه .. طبعا كل سنه بيزودو السعر ( ربنا يسامحهم بقى ) يعني بحسبة بسيطة كده 385*177 = 68145 جنيه لحد ما تتخرج ان شاء الله ده لو مزودوش سعر الساعه المعنمده ..

رابعا : مفيش حاجه اسمها اشيل ماده واعيد السنه والجو ده انتا الكورس اللي مش بتجيب فيه +50
بتاخده الترم اللي بعده او تيجي Summer course طبعا السنه متقسمه 3 ترمات
winter , spring , summer
الsummer ده ممكن تاخد فيه المواد اللي منجحتش فيها او لو حبيت تاخد مادة من مواد السنه الجاية عشان تريح نفسك يعني فبتدفع فلوس الكورس ده وبتدرسه .. بتشوف الماده اللي انتا عايزها دي كام ساعه و تضربها في سعر الساعه الواحده

خامسا: الدراسة
الدراسة فيها بتاخد مواد برمجة و مواد علوم اساسيه زي الرياضه و الفيزياء و مواد الاحياء ( دي الفرق عن القسم العادي ف الكليه ) وهوا مش صعب ولا حاجه بس اللي عايز يذاكر ويستفيد من دراسته هيعرف يعمل كده لكن لو هتمشي بمبدأ يا رب اعدي بس ف اعتقد انك هتتعب معانا ..
و اعرف ان الكليه هتحطك على اول الطريق بس وانتا اللي عليك كل حاجه و علطول الحاجه اللي متعرفهاش دور على النت وحاول تفهمها من نفسك لان محدش هيفيدك !!
على فكره القسم بيقبل علمي رياضه و علمي علوم لكن الكليه نفسها بتاخد علمي رياضه بس بس بالنسبة لانه بياخد من كام لطلبة علمي علوم فالموضوع كان فيه كلام وجايز ينزل تنسيق مختلف عن الكليه السنه دي ( طلبة علمي علوم مطلوب منهم امتحان رياضة 2 بتاعت ثانوية عامة ( ده على اساس انهم هيبقو زي علمي رياضه وجهة نظر ملناش دعوه بيها ))

سادسا : العدد
العدد كل سنه مش بيزيد عن20 طالب ف القسم لانه كان يدوب بياخد كام طالب علمي رياضه بس من طلاب الكليه اللي عددهم قليل اصلا
لكن بعد ما ادارة الكليه سمحت ان القسم يبقبل علمي علوم كمان بقيت هيصه والعدد زاد الضعف ولولا ان باب التحويل اتقفل السنه اللي فاتت كان زاد اضعاف مضاعفه ..
و فايدة العدد الفليل انك بتقدر تسأل الدكتور وتتناقش معاه ف المحاضره ده طبعا بيكون صعب في العدد الكبير
سابعا :
بتقدر تشوف ورقة امتحانك و لو ليك درجات بتاخدها ( ده طبعا حوار لو انتا من الدفعه العاديه )

ثامنا :
حاجات لو حد قالهالك ما تصدقوش:

*انتا شغلك محجوز من قبل ما تتخرج
المفاجأة بقى القسم ملووووش شغل ف مصر الا ف اماكن قليله اوي زي مراكز الابحاث الكبيرة التابعة لمستشفى السرطان او معهد القلب او مدينة زويل اماكن قليلة اوي ف مصر و في الوطن العربي ف المستشفيات الكبيرة كمان مش في أي مكان

*إنك هتتخطف على امريكا و اوروبا
انتا هتتخرج من القسم عندك خلفية كويسه عن الBioinformatics يعني لو حبيت تكمل دراستك بره او تعمل ماستر هيكون مرحب بيك في اكتر من دولة اوروبية ( على حسابك طبعا )

* إن انتا ليك معامل على أعلى مستوى
( اللهم إني صائم )
مفيش معامل مجهزة انتا شغلك كله على اللاب توب ومادة زي الفيزياء بتاخد الهملي بتاعها ف معامل الكلية عادي مش مخصصه للقسم وبالنسبة لمواد الBiology بتاخدها ف كلية علوم جنبك علطوول

*كل واحد ليه جهاز كمبيوتر خاص بيه
هوا فيه كام جهاز كده لكن نصهم بايظ ف نصيحه اشتري لابتوب محترم و اهم حاجه الرام والبروسيسور يكن عالي عشان ماتتخنقش منه ..

*هايجيلكم دكاتره من بره
هواه فعلا من بره بس من بره الكليه مش من بره مصر يعني من علوم كده طبعا دي حاجه وحشه لان هيبصو للBioinformatics من منظور علوم مش من منظور المبرمجين ( خريجين حاسبات)
لان مفيش دكاترة Bioinformatics ف مصر اصلا
ولو حبيت تعمل ماستر ف مصر هنا تبع القسم ده بيعملولك لجنه مكونه من دكاتره من علوم ودكاتره من حاسبات واشرح بقى يا كبير لازم تقنع دول وتقنع دول

*ليك تدريب صيفي في اكبر شركات ف مصر
احنا لسه قايلين ان مفيش شغل هيبقى فيه تدريب ؟!
ومن الاخر التدريب بينزل لقرايب الدكاتره واللي ليه واسطة من الاخر
يعني عيش مع نفسك في الموضوع ده ومتعتمدش على حد

تاسعا :
شوية مميزات كده
( قاعات ( مش مدرجات ) مكيفة - واي فاي للقسم بس - ملحق لوحدك في الكلية )

عاشرا :
ممكن تلاقي نفسك مش محبوب ف الكلية لأن ببساطة ناس كتير هتبصلك انك بتشتري الكليه بفلوسك
وبالنسبة للمرتبات فلو ناويتشتغل بالقسم فب الاماكن القليله اللي قلنا عليها هيكون راتبك عالي و عالي اوي كمان بس اللي يشتغل

-- وأخيرا انا حبيت اعرف الناس بمميزات القسم و عيوبه وخصوصا ان التنسيق كمان كام يوم ف ياريت كل واحد يقرا البوست ده قبل ما يقرر ينورنا ويشوف هل القسم يناسبه ولا لأ
لكن هوا قسم جميل اوي وبيدرس علم كبير وجديد اوك انا معاكم ان في حاجات مش كويسه لكن ربنا يسهل وتتصلح

ومتنسوش تدعولي احنا في رمضان