ساعات
ساعات ببقى عايز أبكى
بدون أى سبب
وبدون مقدمات
جويا وجع وفى قلبى
و حزن وألم و أهات
نفسى أصرخ صرخة قوية
تشق جدار الخوف
وتكسر حاجز السكات
نفسى لما عيالى
يصحونى الصبح
يقولوا أبونا مات
أبونا مات
ساعات
بتنزل دموعى لوحدها
مش عارف أذا كانت بتنزل
على عمرى اللى جاى
ولا على عمرى اللى فات
أيامى كلها
شكل بعضها
الجمعة زى التلات
عايش من غير أمل
عايش من غير عمل
حياتى كلها أجازات
رغم أنى موجود فى كل حدث
ولكنى حاسس أنى على قائمة الاموات
الشاعر
عبد الحميد بدوى