[* ندى العمر *]

المشاركة الأصلية كتبت بواسطة عبد من عباد الرحمن

- لم أقل بأنكِ من الاخوان . لكن المؤيدين منقادون لما يقوله قيادات الاخوان , وهو أمر واضح جداً . والدليل علي هذا الانقياد هو ترديدكم لكلامهم المغلوط , وبأن المعارضين هم ضد الاسلام , وبأن الاخوان هم ممثلين الإسلام والحكم الإسلامي , بينما الواقع لا يمت لهذا أو لذاك بأية صلة !!

- أنا من الفلول ؟ ههههههههههههه أضحك الله سنك .
لدينا الأن في مصر إثنان من الفلول ( فلول مبارك , وفلول الاخوان ) وأنا لم أكن في يوم مؤيداً لمبارك أو لنظامه ( بل كنت ضده دوماً ولي مشاركات في هذا المنتدي تؤكد ذلك وكان مبارك مازال في الحكم . ولم أكن في يوم مؤيداً لحكم الاخوان لعلمي وتأكدي من أنهم طلاب سلطة فقط ويتاجرون بالدين ) فكيف أكون من الفلول ؟!!

- انظري لما قاله مرسي في أخر خطابين له ( توعده بسفك الدماء والدخول في نفق مظلم ) لتعرفي من الذي سعي لسفك الدماء . انظري لفيديوهات صفوت حجازي , والبلتاجي , وعبد المقصود , وعاصم عبد الماجد لتعرفي من بدأ بسفك الدماء وكيف أنهم يخدعون من يتبعهم بأنهم يجاهدون في سبيل الله !!

- جئت لكِ بدليل من السنة النبوية الشريفة علي عدم جواز جهاد غير البالغ ( هذا مع الجهاد الفعلي وليس ما يحدث في رابعة والذي لا يمت للجهاد في سبيل الله بأية صلة , بل هو جهاد في سبيل السلطة والسلطان )


- كل من حمل السلاح وسفك دماً بدون وجه حق , وكل من استحل وأباح حرمة الدماء بدعوي الجهاد في سبيل الله هو إرهابي أي كان انتماؤه . وبالتالي فكل من شارك في القتــل وترويع المواطنين ( سكان رابعة وجامعة القاهرة لا ينعمون بالأمن والأمان ) هو إرهابي , والإسلام بريء من كل هذه الأفعال شاء من شاء وأبي من أبي .

- سبق أن دعوت الله أن يهديكِ ويُنير لكِ بصيرتك يا ندي , والأن أكررها للمرة الثالثة .


شكراً علي مرورك الكريم

استاذ / عبد من عباد الرحمن
اولا انا لا اسمع لقيادات الاخوان خالص وانا مش من النوعية اللى بردد اى كلمة حد يقولهالى او اى كلمة اسمعها من اى حد انا بقول اللى بشوفة بعينى انا مش صغيرة علشان اردد من غير تفكير انا بشوف كل الاطراف المؤيدة والمعارضة صحيح الفترة الاخيرة بطلت اتفرج على قنوات الاعلام المصري لانى مبقتش بشوف منهم غير الكدب وبس وباينة زى الشمس يعنى
وانا عارفة كويس ان حضرت مش من الفلول بس لما فة ناس تنزل فى الميدان يوم 30 /6 وقبلها وترفع صور مبارك ولما يكون الهتاف فى ميدان التحرير هو كالاتى " مش ماشين مش ماشين ومصر مش هيحكمها الدين "
يبقى فى فلول نازلة ولا مفيش ؟
ولما عبدالمجيد محمود اللى من النظام السابق يرجع مكانه تانى ده اسمه ايه ؟
ولما تهانى الجبالى ترجع تانى يبقى ده اسمه ايه ؟
ولما نمنم يطلع يقول ان مصر مش اسلامية وانما هى بلد علمانية بالفطرة ده يبقى اسمه ايه ؟
ولما اللى كان بيكتب خطابات مبارك المخلوع يبقى مستشار اعلامى
ده يبقى اسمه ايه ؟
كل دول كانوا ايام مبارك ولا مكانوش ؟
كل دول من الفلول ولا مش من الفلول ؟
ومرسى قال احذروا سفك الدماء مش نتوعد بسفك الدماء واحنا لو كنا عايزين نسفك الدماء زى ما حضرتك بيقول تفتكر كنا هنسكت على حق الناس اللى ماتت ؟ طيب ما كان كل واحد من اللى ابنه او بنته او طفله مات نزل وقال عليا وعلى اعدائى ونزل *** فى الظباط والامن لانهم ***و اابنه ؟
ولو احنا كنا عايزين نسفك الدماء ما كنا زلنا بالاسلحة فى مسيرتنا علشان لما قوات الامن تضرب عليهم يضربوا هما كمان ولا ايه ؟
وفعلا زى ما حضرتك بتقول فى اسلحة متواجدة فى رابعة العدوية انا مش هنكر بس حضرتك تعرف نوع الاسلحة ؟
انا هقول لحضرتك المصاحف والدعاء الى الله هذه هى اسلحتهم التى يمتلكوها هناك ولو حضرتك مش مصدقنى روح بنفسك رابعة العدوية ولو لمرة واحدة وانا اضمن لحضرتك انك مش هتتعرض للخطر هناك
ولا اى قوات ارهابية هت***ك ولا اى حاجة من الكلام ده روح بنفسك لمرة واحدة وشوف اسلحتهم اللى هناك
وبعدين حضرتك بتقول الفيديوهات الكلام ده صح ؟ طيب مشفتش الفيديو اللى ف قوات الامن بتضرب المتظاهرين السلمين اكيد شوفتهم مش كده ؟ يبقى ده سفك للدماء ولا مش سفك للدماء ؟
ولما يلقى بيان على المعتصمين فى رابعة مكتوب فيه احذروا انفسكم واخر مكتوب فيه انت لو مت هتموت لوحدك محدش هيموت معاك من اللى انت بتتبعهم ده سفك دماء وتهديد بيه ولا لاء ؟
وانا عارفة ان حضرتك دعوت ليا بالهداية وشكرا جدا على هذة الدعوة
وان شاء الله ربنا يهدى الجميع للحق فقط للحق
ويارب لو كان الناس اللى فى رابعة عايزين الشر والضرر للبلد انتقم منهم يا ارحم الرحمين وان كانوا عايزين الخير للبلد انصرهم يا رب
ولو كان السيسى عايز الشر للبلد واهلها انتقم منه يا رب
ولو عايز الخير انصره
ويارب ارحم الشهداء
بس انا كده قلت اللى عندى واللى عايز الخير لمصر اكيد ربنا هينصره واللى عايز الشر ربنا هينتقم منه بأذن الله
وشكرا على رد حضرتك وتقبلك لرأى
واخيرا هقول
الاختلاف فى الرأى لايفسد للود قضية
تحياتى