[Mr Mostafa Goda]

ازيك ياشيماء..تجارة ليها مجال في الشغل واداب ليها مجال تاني في الشغل مختلف عن تجارة.
بالنسبة تجارة المفروض لما تتخرجي تشتغلي محاسبة في اي شركة"ده المفروض"
بس علشان تشتغلى بتجارة طبعا لازم يكون معاكي كورسات لغة ومحاسبة وكورسات تخليكي مؤهلة لمجال العمل
بالنسبة لاداب لو هتدخلى قسم انجليزى يعنى لو جايبة فى الانجليزى 44 لفوق يبقى ده افضل
وفي اداب انجليزي ممكن تشتغلي في مجال الترجمة
او تكملي دبلومة تربوي وتشتغلي مدرسة انجلش

ومن وجهة نظرى اداب اسهل وافضل للبنات خصوصا لو هتدخلى قسم لغات زى اداب انجليزى وكده وغالبا هتلاقى شغل فى التدريس بعد التخرج يعنى الشغل مضمون ان شاء الله بس تاخدى دبلومة تربوية بعد الكلية علشان تتساوى بكلية التربية وتتعينى فى التدريس بسرعة ..بس لو مش بتحبى التدريس وكده وطموحك اعلى من كده يبقى خلاص خليكى فى تجارة بس لازم تقدير عالى وكورسات وتدريب ولغة ولو فيه واسطة يبقى كويس ..

انصحك تشوفي انتي بتفضلي ايه اكتر
وايه اكتر مجال حاسة انك ممكن تستريحي فيه و تحبيه
لأن كل واحد بيكون ليه نظرة معينة في المواضيع دي

وربنا يوفقك ان شاء الله