[الاستاذ عوض على]

المشاركة الأصلية كتبت بواسطة حسام الدين ريه

انا مش هاقول لك احمد ربنا . انا هاقول لك ما تحمدش ربنا . مبسوط كده . ومش هاقول لك سيب الازهر . لا ده افضل عقاب ليك انك تفضل فى الازهر . ومش هاقول لك الازهر فيه رجالة لان فعلا الازهر ما فيهوش رجالة . عشان شافوا وقرأوا كلامك ده وشتيمتك ليهم ووصفك لهم انهم مش رجالة وما فيش حد رد عليك وسكتوا ومنهم اللى هايقولوا برافوا عليك احسنت . بس اسمح لى اسال حضرتك سؤال : هو يعنى ايه كلمة رجالة ؟
الرجولة انك تعمل اضراب عن الشغل وانت بتقبض مرتبك اول باول . ما عملتش ليه اضراب عن القبض كمان ؟ ازاى تقبل انك تقبض راتب يوم انت اضربت فيه عن العمل ده حلال وربنا هايبارك لك فيه؟ طب ازاى ؟؟
ازاى بتبص لرزق غيرك وما انتاش راضى برزقك ؟ ازاى بتبص للى فوقك وما بتبصش للى تحت منك زى ما الحديث بيقول ؟ ليه دايما بنبص للبنوك والكهربا والشرطة ؟ ليه ما بتبصش مرة على موظف المحليات والمدرسين اللى قبلك وبعضهم علمك وطلع معاش وما لحقش حاجة اسمها كادر ولا مكافأة امتحانات وعنده بنت على وش جواز او ولد خلص تعليم ومش لاقى شغلانة ومعاشه ع القد ولما بيقرا ويسمع كلامك ده بيستغرب ويقول لك تعمل ايه لو كنت مكانى ؟ لما تبص على مرتب اللى فى البنك ما بصتش ليه على تعبه وهو قاعد يشتغل كل يوم سبع تمن ساعات شغل من نار وسيادتك قاعد نص السنة فى بيتك ولما نطلب منك حصة احتياطى او حصة فوق نصابك القيامة بتقوم. لما نقول لك الحضور من 8 - 2 بتبقى عاوز ت*** قتيل ؟ هو مش عارف يشتغل شغلانة بعد الظهر ممكن يكون له ارض او مشروع او شغل خاص برضه ايه المانع ؟ وانت ليك شغلانة واتنين وثلاثة . عندك اجازات بتخليك تقعد مع عيلتك وتعرف تزور حبايبك وفى رمضان نايم وحتى لو فى شغل ثلاث اربع خمس حصص فى اليوم يعنى ما يكملوش ثلاث ساعات من شغله ؟ لو حسبتها كويس تلاقىه بيشتغل اضعاف اضعاف شغلك . كما انه جهة بتدر دخل بيدى مش بياخد .

عاوز تشتم اشتم براحتك.لا انا هاخاف منك ولا هارد عليك . المحترم محترم لنفسه وكل اناء بما فيه ينضح

كلام غريب عجيب
هما يعنى الكهرياء والضرائب والبترول والبنوك أحسن مننا فى ايه
وليه أولادهم بعيشوا أحسن من أولادنا ؟!
العامل هناك أحسن من المدرس ليه ؟!
يعنى الدولة تطحن المدرسين علشان أسباب سياسية حتى لا يتعلم الناس ويظل الجهل منتشرا
ونحن وأولادنا ندفع الثمن مدى الحياة !

والزميل لا بقصد اهانة معلمى الازهر ولكن بفصد أن بحثهم على التحرك للحصول على حقوقهم
والازهر معظمه رجالة وانتزعوا حقوقهم قبل كدا بالاضراب مرتين

والدولة توزع المرتبات بالظلم وانت تقول أرزاق !

طيب نعمل بدل هم يصبحوا مدرسين ونحن نذهب للعمل فى الضرائب والبنوك ومستعدين نتعب مكانهم وهم يرتاحوا يدلا منا وبزوروا الأهل والحبايب والقرايب

المشاركة الأصلية كتبت بواسطة عبدو عصر

حضرتك بتقول يجب تحقيق العدالة ولم تقل ما هي الكيفية أو الآليه التي يمكن بها أن نحقق العدالة

اقرار الحد الأدنى والأعلى للأجور
وجعل الفارق بينهما لبس ضخما كما يحدث الآن

اعلاء مكانة المعلم كما بحدث فى كل دول العالم وكما كان يحدث فى مصر فى عهد الزعيم عبد الناصر
ليكون مرتب المعلم وخاصة فى المرحلة الابتدائية من أعلى المرتبات ويجب أن تكون مؤهلاته العلمية كبيرة