[Mr Mostafa Goda]

المشاركة الأصلية كتبت بواسطة shimaa_7

هي في دميآط و انا في المنوفية شبين ، اعتقد انها مش في النطاق الجغرافي ،


تحويل ورقي يعني ازاي مش فاهمة ، ..؟

بصى ياشيماء .. انتى اولا تتابعى التحويل الالكترونى وتحاولى تحولى عادى اوعى تسيبى التحويل الالكترونى .. لو متقبلتيش بقى يبقى هتعملى تحويل ورقى بالشكل ده :

الاوراق المطلوبة فى التحويل الورقى :

1 - إيصال ماء أو نور أو تليفون ( من 6 شهور علي الأقل )علشان تثبتى انك من المنوفية

2 - بطاقة الترشيح

3 - شهادة الميلاد ( الكمبيوتر )

4 - شهادة أو استمارة الثانوية العامة --->

5 - الرقم القومي ( كمبيوتر ) ----> أنا دي البطاقة

و الرسوم حوالي 200 جنيه

و لو التحويل قبل بإذن الله هيكون في تبرع للجامعة
__________________
يبقي هتروحى ادارة الجامعة في المنوفية و معاكى ايه اثبات اقامة و وصل نور و ميا حاجات تثبت انك في المنوفية؟
طيب ازاي طب مانا واخدة ال ث ع من المنوفية ؟ معلش روتين بقا ؟ اوك و معاكى بطاقة ترشيحك و الشهادة بتاعة النجاح و حتسألى في ادارة الجامعة عن التحويلات و تروحى تعملى تحويل لكلية مناظرة رسومه حوالي او 200- 100 جنيه اوك و بعدين هيقلك التحويل حيخلص علي امتي تيجي رايحة عالكلية اللي حولتها و حتكون اتبلغت بأسمك و انضاف اسمك للكشوف و حتروحى و معاكى ورقك و تقدمى عادي و تمتحنى كشف طبي بس خلي بالك
ممكن يطلبوا منك تبرع ؟؟؟ في حدود كام ؟؟
من 500-1000 جنيه و فاصلى معاهم و ادفع 300 جنيه و تتقبلى عادي
التبرع ده مش رشوة اصلا قبل ما يكون التنسيق عالنت كان التحويل التناظر بيوصل لنسبة 20 و 30 /100 ورقي
بس ده حاجة كدة عشان الجامعة و الوزارة تستفاد و تخلي التحويل المتناظر 10/100 عشان تعبي فلوس من الباقي..

ربنا يوفقك ان شاء الله