[بحر_الامل]

عربى
والله العربى ده كان المشكلة الكبرى عندى المهم كنت بذاكر من مذكرات الاستاذ + كتاب المدرسة مركزتش صراحة اثناء الدراسة على كتاب خارجى مع ان كان معايا الرسالة و فى الاخر جبت لاضواء شرح كمان !!!!
المهم فى اخر السنة فى كتاب جامد اسمه الرسالة ده لازم يتجاب وش بيبقى فيه اسئلة الامتحانات السابقة فى كل الفروع و اجابتها النموذجية فبيبقى جامد اوى الصراحة
و ربنا معاك خاصة فى المادة دى

فيزياء
كنت بذاكرها من مذكرات الاستاذ برضه وكتاب المدرسة بس عشان مذكرات الاستاذ لو كنت بخلصها كان يبقى زى الفل اوى
فى اول السنة شديت حيلى الصراحة و جبت كتاب الامتحان و الوسام و المثالى على اساس اننا الراجل الخارق يعنى المهم الوسام مفتحتهوش اكتر كتاب فتحته الامتحان عشان اسالته طبعا و المثالى عشان كان شرحه فى حاجات زيادة عن كتاب المدرسة بس كانت مفيدة كفهم

رياضة 2
كتاب المدرسة برضه + كتاب 100% كتاب اسطورى صراحة فيه معظم الدليل و اسئلته متزنة و حلوة
ممكن فى اخر السنة تحل الدليل لو فيه وقت مش فيه وقت يبقى 100 % كفاءة و هيقضى معاك


الكيمياء
الامتحان+مذكرات الاستاذ بتاعى + كتاب المدرسة طبعا

انجليزى
اكتر مادة مكنتش بعرف اذاكرها منين كان عندى معظم الكتب الخارجية كنت بستسهل احل من المعاصر و فى المراجعة النهائية the best كان جامد الصراحة المهم عليك و على حفظ الكلمات و بس كدة

الخلاصة
الاهم من الكتب الخارجية هو كتاب المدرسة و الله لو التزمت بيه و فهمته كويس معلش هتتعب منه بس صعب تتسوح فى اخر السنة
و الاهم برضه صلتك بربنا دى 50 % ثانوية عامة و بعد كدة اعمل اللى عليك و خلاص و الله يبقى كدة زى الفل
حاجة اخيرة ساعة مستمرة يوميا احسن من 7 ساعات فى يوم واحد
المبدا ده اكتر حاجة ندمت انى ممشتش عليها و تعبت بسببه كتير عشان مطبقتهوش

و اى مساعدة انا فى الخدمة ان شاء الله =D