حرام والله اللى بيعملوه فينا دة كطلاب ثانوية عامة عامة وطلبة علمى علوم خاصة...
ذنبى إيه أنا طالب علمى آخد مادة أدبية زى الإقتصاد ومادة رياضية زى الإحصاء؟...
وبالنسبة للعلوم البيئية والجيولوجيا دى مادة كبيرة دة غير الفيزياء والكيمياء والأحياء وكمان الإقتصاد والإحصاء.!
وبعدين فاضل شهر وكام أسبوع ع المدارس ومش عارفين النظام!
كل وزير يجى يغير مكان اللى قبله علشان الأحزاب.!
الإخوانى يغير اللى عمله الفلولى والليبرالى يغير اللى عمله الإخوانى...وإحنا الغلابة اللى فى النص اللى بنطحن فى مدرسة ملهاش لزمة وبنطحن فى دروس كتيييييرة ومذاكرة تهد جبال....وكل وزير يقعد فى مكتبه فى التكييف ويعك عكته ويلبسها لنا...
علمى رياضة معندهمش تغيير يعتبر...بتوع علوم اللى اتشقلب حالنا خاااااالص ومنهج الأحياء مش سهل علشان يحطوا علينا علوم بيئية وجيولوجيا!..
وفين الوزير بتاعنا عمال يصدر قرارات بينه وبين نفسه أنا لغاية دلوقتى ماأعرفش شكله!
كل وزير علشان يحل مشكلة يزود مشكلة...
غنيم زود درجات المواد علشان اللى عمله جمال العربى من زيادة فى المواد
ونصر زود المواد أكتر ونيلها بنيلة علشان يحل مشكلة درجات المواد..
فين السياسة التعليمية الثابتة اللى يمشى عليها كل وزير أياً كان حزبه...
وليه السياسة دخلت فى كل حاجة حتى فى التعليم!
حسبى الله ونعم الوكيل..
|