اقتباس:
المشاركة الأصلية كتبت بواسطة mera ahmed
بص انا كمان داخله تجارة الزقازيق وناوية ان شاء الله على تجارة انجلش ... هو معاد التقديم اعتقد انه 15 اغسطس.. يوم الخميس ان شاء الله
بالنسبه بقا عربي او انجليزي.. طبعا الانجليزي افضل لانك بعد ما بتتخرج لو بتقدم فى اي بنك اجنبي بيبدأ مرتبك من 3000 minimum كحد ادنى وبعد كده لما بتترقي بيزيد طبعا وكمان اصلا انت كدة كدة هتاخد كورسات.. بس بتهيقلى بتتاخد لما تتخصص فى 3... هي اه هتبقي صعبه فى اول سنه عشان هتبقي جديده علينا واول سنه لينا بس بعد كدة هتبقي الامور easy جدا.. وكمان لو انت شاطر فى الانجلش وحابب تدخل اوك مش هتتعب كتير فيها
بالنسبه للمصاريف فى حد قالى بتكون 5000 من غير الكتب وبالكتب 1400 او 1500
وساعات ممكن تدفع المصاريف على اقساط بس مش عارفة بتتقسط على كام؟؟
وكمان انت لما خلاص بتدخل تجارة انجلش بتاخد كورس كدة من الجامعه الامريكيه او المجلس الثقافي البيريطانى وبعدين فى اجازة الامتحانات فى الجامعه بتقدم على تدريب في اى بنك سواء كان حكومة او اجنبي بتتدرب فيه لمدة شهر.. وبتفضل تدرب هكذا لحد ما تخلص الجامعه وبعد كدة لو بتقدم ان شاء الله فى اى بنك بيبقي سهل اوي يتعملك accepted .. والله انا بقولك الكلام ده عن ثقة لان اخويا بيشتغل فى بنك وعارف نظام الشغل بيكون عامل هناك ازاى ... و لو حضرتك لو عاوز تستفسر عن اى حاجة ..تحت امرك انا اقدر اسألهولك... وان شاء الله انا ناوية اعمل كدة من اول سنه ليا في تجارة
واسفه على الاطاله
|
الف شكر يا Mera هو المشكله فى التجاره ان كله بيقول صعب تلاقى شغل فلازم تفوق وكمان علشان الواحد يقدر يخش فى مجال البنوك بيقولوا ان لازما يكون فى وسطه من غيرها الواحد مش هايقدر يشتغل فى التجاره الا اذا ان كان من المتفوقين الاوائل
بالنسبه للمصاريف انا شفت موقع الكليه
شروط القبول بالشعبة : 1 ــ أن يكون الطالب حاصــــلا على الثانوية العامـة واللغــة الانجليزية هي اللغــــة
الأجنبية الأولــــــى أو الثانيــــــة .
2 ــ أن يكون الطالب مـــن بــــين الطلاب المستجدين ومقبولا بالفرقة الأولى انتظام
بالكلية أو محــــولا مــــن كليـــــة أخـــــرى .
3 ــ بالنسبة للطلاب المحولين من كليات أخرى للالتحاق بالشعبة ضرورة التقدم بصورة
من استمارة الثانوية العامة أو مستخرج رسمي بالدرجـــات وصورة مـن ايصــــــال
المكتب المــــركزي للتحويلات بالجامعة لحين ورود الملف الاصلى من الكلية المحول منها
وفى حالة عدم ثبوت صحة البيانات يلغى ترشيح الطالب للشعبة مع تحمله كافة الرسـوم.
4 ــ أن يكون الطالب حاصــــلا على 80% على الأقل في مادة اللغة الانجليزية . أو
حاصلا على تقدير(
بالنسبة للحاصلين على شهادة أجنبية معادلة للثانوية العامة .
5 ــ سحب طلب الالتحاق مقابل مبلغ مائة جنية مصري (لا تسترد) ولا يعتبر سحب
طلب الالتحـــاق ضمانا لدخول الطالب التنسيق الداخلي بالشعبة إلا بعد استيفـاء
الطلب وتسليمـــه فى الوقت المحدد للتقديم والمعلــــــن بالكلية مع تقديم صورة
شهادة الثانوية العامة وصورة بطاقة الترشيح مع أصل البطاقة للاطلاع عليها .
6 ــ يخضع قبول الطلبة لتنسيق داخلي حسب المجموع الكلى لدرجات الطالب في امتحان
الثانوية العامــــة بدون المستـــوى مضاف إليه درجــــات الطالب في اللغة الانجليزية
ودرجة المستوى في اللغة الانجليزية إن وجد .
7 ــ إذا لم يتم دفع الرسوم في خلال 48 ساعة من ظهور نتيجة التنسيق للشعبـــــة سيتم
رفع اسم الطالب من قوائم المقبولين بالشعبة ويحل مكانة من يليه في قائمة الانتظار
وقدرها ( 3000 جنيه " ثلاثة ألاف جنية مصري فقط لا غير ) قابلة للتغير حســــب
قرارات المجلس الأعلى للجامعات التي تصدر في ذلك الشأن بالإضافة إلى دفع مبلغ 1000جنية (فقط ألف جنيها لاغير) تحت حساب الكتب ويمكن تقسيط رسوم الشعبة على قسطين لمن يرغب .
8 ــ في حالة انسحاب الطالب بعد الالتحاق بالشعبة وتسديد الرسوم الدراسية يتـــم خصم
10% من هذه الرسوم كمصروفات إدارية إذا تم الانسحاب خلال الأسبوعين الأولين مـــن
من تاريخ بدء الدراسة أما إذا تم الانسحاب بعد هذا الموعد يفقد الطالب الحق فى سحب تلك الرسوم
فمش عارف يعنى من الاخر 4500 كله ولا ايه فبسأل
انا رايح التلات اشوف النظام هناك تقديم ودفع وغيره ان شاء الله