[mina_2012]

المشاركة الأصلية كتبت بواسطة ابوعمرة

ان جيت للحق كلامك مظبوط موضوع التظلمات قليل اوى اللى بياخدوا فيه درجات ولو حد خد حاجة بيبقى فى حدود نص درجة او درجة بس انما مسالة انه احتمال ضعيف تحصل فى الفيزياء والرياضة حاجة فللاسف هو ده الحل الوحيد اللى قدامنا ولو نفسك فى حاسبات بجد لازم تضحى وتعمل كل اللى عليك عشان ماتندمش بعد كده وخليها على ربنا و اكيد اللى مقسوملك هتشوفه وهتدخله ولكن ادينا بنحاول بردو وخصوصا ان الفيزياء جت صعبة شوية وعد التظلمات فيها كبير ولعل وعسى تاخد فيها نص درجة وديه اللى انت محتاجها وممكن تشوف فرع من الرياضة جه امتحانه صعب وحاسس انك اتظلمت فيه وربنا يكرمك باذن الله وتاخد النص درجة اللى انت محتاجها والموضوع كله مش هيكلف ازيد من 200 وانا بصرحة شايف انه يستاهل لان ديه حاسبات ومستقبلها كويس جدا وتستحق التضحية يعنى بس قبل ماتعمل اى حاجة لازم تكون متاكد انه ليك درجات بجد واتظلمت حتى لو فى نص درجة مادام انت مظلوم فيها لعل وعسى ترجعلك وخلى بالك باب التظلمات هيقفل يوم 16/ 8 فكر وقرر وشوف اللى يناسبك

بإذن الله هأعمل تظلم في المادتين ...
بس لو حصل ولا قدر الله وما أخدتش حاجة ... ترشحلي كلية إيه ؟؟؟
أنا قدامي :
تربية رياضة
هندسة العاشر
فنون جميلة
فنون تطبيقية
تجارة إنجلش
بيتهيألي دول أحسن الكليات المتاحة ليا ... ترشح أنهي واحدة فيهم ؟؟؟ ولا إنت تفضل كلية تانية ؟؟؟