اللى بيتكلموا عن الشرعية
الشرعية دى كانت من سنة
لما حاربنا عشان مرسى
وانتخبناه بروحنا ودمنا
وسمعنا النتيجة فى الميدان
وهاتفنا من قلبنا
وكنا مع مرسى أكتر من الاخوان
واتشقلطنا من الفرحة كمان
وحضنا بعضنا
وقلنا خلاص أخيرا لاقينا
اللى هايجيب حقنا
ويخفف عننا
ويحقق حلمنا
وسهرنا لحد الصبح
ومن ساعتها الصبح مجاش عندنا
لانه بصراحة حرق البلد وحرق دمنا
وقهرنا فى قعر بطننا
شوفوا كنا فين بعد الثورة
ودلوقتى بقينا فين
وكأننا قمنا بالثورة على نفسنا
ربنا يرحمنا برحمته
ويتوب علينا ربنا
الشاعر
عبد الحميد بدوى