كلها مواد تهتم بالشبكات والاتصالات عشان كدا انصحك من دلوقتي تروح اي سنتر معتمد او تذاكر مع نفسك وتخش تمتحن على طول وتاخد شهادات معتمدة من سيسكو وميكروسوفت عشان تشتغل ان شاء الله اول ما تتخرج
اول شهادة لازم تاخدها ccna من سيسكو
تاني شهادة ccnp برده من سيسكو
تالت شهادة mcitp ودي من ميكروسوفت
كدا انت مؤهل تعمل شبكات كبيرة المدى وتقدر تعملها صيانة سوفت وير وهارد وير وتقدر تبقا مدير it فى اي مكان بس لازم يكون عندك خلفية عن البرمجة دا من اول شهادتين ,, تالت شهادة دي بقا يعني مراقبة الاجهزة وتحديد اوقات لها وانك تبقا رئيس الاجهزة بمعنى اصح فى اي مصنع او شركة او مؤسسة
فيه فى قسم it برده ناس بتذاكر ويب يعني برمجة وتصميم المواقع ودا مستقبله كويس جدا برده وعشان تبقا مبرمج ومصمم مواقع شاطر لازم تذاكر
1-اساسيات فوتوشوب .
2-html - css - flash .
دول بتوع التصميم
البرمجة بقا : 1- .net او php .
للعلم .net دي تقنية برمجة المواقع ممكن تعملها بأي لغة برمجة بس افضل لغة برمجة تقدر تعملها هي لغة c# عشان كدا حدد مجالك من دلوقتي وابدأ وذاكر وبالورقة والقلم وشوف نفسك عشان اول ما تتخرج تلاقي مكان ع طول ان شاء الله وبالتوفيق
