[مريم السباعى.]

المشاركة الأصلية كتبت بواسطة كنارة الحب الحزينة

ايييييييييييييييييييييييييييييييييه ياجماعه انا شايفه ان المساجين المبدعين بتوعنا نامووووووووووووووا والا ايه
يلا بقا عايزه شويه جماس وشويه نشاط
اختار مين طب
مين ياترى
مريومه
يلا ياقلبي مستنياكي

ميرسى يا فطومةعلى الاختيار بس لاسف انا ملحقتش الف حاجة جديدة فحشارك بحاجة كتبتها من فترة يعنى على المنتدى وبنسبة لاختيارى الجديد فحيكون لاستاذ فاروق

حبة كلام مكتوب
....................

شوية فكر متبعتر
يزق القلم ايدى
ابص على رعشتها
وانحنى
خايفة اكتب
لا ابكيها قوى
حزين كلامى ومعروف
من قبل ميخترعوا الحروف
والقلم جبار بيعافر
بيذق ايدى قوى
وشوية يهف الورق
على مكتبى
اكتب ولا مكتبشى
اااااااااااااه
يا سيدنا النبى
ملَينا الكلام من قبل ما يتكتب
عارفين النهاية من ساعة ما ابتدت
كلنا جونا مخرج وجونا ممثل
وجونا ساعات مؤلف لما
الدنيا بتكسل
تكتبلنا حكايات
نعيش نفسنا فى ادوار
قصة واغنية
والفيلم بقا تمام
وعلى شركة الانتاج
وقتنا ومشاعرنا
وبيدفع الحساب
والتذكرة ببلاش
الى يتفرج تعالى
الى يحب كمان يشارك فى التمثيل
عندنا ما الطيب لشرير
كل حاجة حتلاقيها عندنا
بندور جونا فى قصه مضحكة
بنعيش فيها ساعات
والفاصل كام ثانية ؟!!
ونحاول ننسى
فنشحت حبة حنية
ونضيع فى نزوة وردية
فى كلمة بكتبها
لجل مناس تقرها
وكانها مش ليه؟!!
ونحط النهاية
على كل فصل مسرحية
(ايام وراح تنتهى واهى معدية )
..
نقطة ومن اول السطر
ايدى بتترعش دلوقتى
قلمى بيخلص فى حبره
خاف يذق ايدى تانى
لاكتب وازيد همه
مش حكتب تانى
خلاص سكوت
انا عارف اساسا قصتى
ميوصفهاش
حبة كلام مكتوب
بقلم /اشرقت الشمس